ég hef engu gleymt...

Landsbankinn innheimtir 750 kr í fit gjald

2007-08-10T09:17:00.000-07:00

Vildi bara láta vita því í allri þessari umræðu um það hvort það standist lög að bankarnir innheimti þessi refsigjöld þá hafa bankarnir neitað að gefa upp hvað þeir taka í fit gjald.
En þar hafið þið það 750 kall í sekt ef þú ferð yfir á landsbanka reikningi.

Yess nú vitum við að það verður frábært veður næsta ár, hver er með á Hróarskeldu 2008?

2007-07-09T02:30:00.001-07:00

Esben Danielsen talsmaður hátíðarinnar var spurður:

Har det været den værste festival nogensinde?

»Nej. Det var værre i 2000. Men det har været den mest logistik udfordrende på de indre linier. Torsdag var en forfærdelig dag, og det har klart været slemt, men det er endt godt de sidste dage. Og når jeg taler med folk ude på pladsen, så beskriver de faktisk, at det har været mindre voldsomt i 1997, hvor det også regnede virkeligt meget.« (Sjá viðtal í heild)

Ég fór 1998 þegar allir voru enn með óbragð í munninum eftir ´97 festivalið, og það var svo notaleg stemning og fínt veður. Ég spái því að 2008 verði líka fín hátið, gott veður og færra fólk en venjulega.

Munurinn á körlum og konum

2007-06-12T02:14:00.000-07:00

Já þetta er hressandi svona í morgun sárið, versta við þetta er að ef þetta væri sett í aðeins annan búning, t.d ef maðurinn sem talaði væri Bjarni Haukur hellisbúi þá myndu flestir íslendingar kinka kolli og segja,"já þetta er svo satt, konur eru svo mikið svoleiðis."

Jæja fór einhver á 10 ára ríúnjónið um helgina?

2007-06-04T02:04:00.000-07:00

Ég er svo mikill lúði að ég frétti af þessu allt of seint og var búin að plana ferðalag.
Annars hefði ég alveg viljað mæta á sólon allavega, bekkjarpartýið var sko í hafnarfirði sem er soldið mikið úr leið frá Leifsgötu að sólon.

Þetta var nú kannski ekki alveg nógu vel skipulagt.

Þegar ég fór að vafra til að sjá hvort einhver hefði bloggað um reunionið um helgina þá fann ég heimasíðu sem hafði verið gerð í tilefni að reuníoni síðasta sumar um árgang 1979 í lauganeshverfi.
Þetta kallar maður metnaðarfullt reunion, það eru endalaust af myndum, gamlar og nýjar og af reunioninu sjálfu.

Hraðar fæðingar

2007-05-24T08:56:00.000-07:00

Það var einn magnaður fyrirlestur áðan hjá verðandi ljósmæðrum um hraðar fæðingar, sem að ég hélt að væri nú yfirleitt bara gott mál, hélt að þessar 20 tíma væru vandamálið. En 2-3% fæðinga er víst aðeins of hraðar þannig að konum finnst þær missa stjórn á aðstæðum og sumar jafnvel ná ekki á spítalann. Þessi fyrirlestur skýrði frá reynslu þriggja kvenna sem höfðu fætt mjög hratt, ein náði á fæðingargang, ein fæddi í lyftunni á leiðinni upp og önnur fæddi innan við 3o min frá því að hríðar hófust og fæddi í dyragættinni heima hjá sér. Það var mjög skemmtilegt að heyra lýsingarnar sérstaklega hjá þeirri síðast nefndu, sem bara fann það að hún mundi ekki meika það á spítalann, girti niður um sig, fór niður á fjórar fætur og svo sá maðurinn hennar bara í kollinn á barninu. Á meðan hann hringdi í neyðarlínuna plompaði barnið niður á gólf.
Þetta var auðvitað alveg svakalegt áfall fyrir greyjið konuna og manninn hennar. Sjokkið kom víst ekki fyrr en nokkrum mánuðum seinna, þegar hún hafði myndað tengsl við barnið og áttaði sig á því hvað þetta hefði getað farið illa. Allar konurnar höfðu einmitt upplifað mikla óöryggistilfinningu eftir þetta og voru stressaðar yfir því að næsta barn gæti hugsanlega komið á miðjum fundi eða í matvörubúðinni.
Það voru svo fleiri flottir fyrirlestrar, um áhrif ofþyngdar á fæðingu, anorexíu barnshafandi kvenna og fæðingar í vatni. Topp dagur í vinnunni í dag!

Ísrael úr Evróvisíon 2008

2007-05-24T03:42:00.000-07:00

Sérsveitir Ísraelshers réðust inná heimastjórnarsvæði Palestínumanna vestan Jórdanar í morgun, rændu menntamálaráðherra stjórnarinnar, tveimur þingmönnum, borgarstjóra Nablus og 30 háttsettum Hamasliðum.

Þetta er villimennska og ég vil að þeir séu gerðir útlægir úr Evróvisíon.

Ég vil óska Oddlaugu til hamingju með þrítuxan!

2007-05-23T07:49:00.000-07:00

Myndagáta þessarar viku er tileinkuð Oddlaugu:
Spurninginn er einföld
Hver er þessi tvífari Oddlaugar?

Hver vill kaupa kastala?

2007-05-14T07:35:00.000-07:00

Hér er ein furðulegasta bygging sem ég hef séð. Það er staðsett rétt hjá Vogum á Vatnsleysuströnd. Ég sá þetta hús þegar ég fór í bíltúir með pabba og mömmu um páskana og við göptum af undrun. Pabbi bölvaði mikið yfir því að hafa gleymt myndavélinni. Ég veit ekki hvaða stíll þetta er - timburklæddur kastali með amerískum gluggum. Stórir feitir turnar á litlu ferhyrndu húsi og það er eitthvað dularfullt við hlutföllin. Svo er það í engu samhengi við umhverfið í kring, það sést ekki á myndinni en öll húsin í kring eru pínulitir kofar. Þetta hús rís uppúr kofaþyrpingunni eins og kastali lénsherra.

Hvað áttu að kjósa!

2007-05-10T02:05:00.000-07:00

Þetta er mín niðurstaða:

Stuðningur við Sjálfstæðisflokk: 12.5%
Stuðningur við Samfylkinguna: 12.5%
Stuðningur við Frjálslynda flokkinn: 20%
Stuðningur við Íslandshreyfinguna: 20%
Stuðningur við Framsóknarflokk: 20%
Stuðningur við Vinstri-Græna: 50%

Ég á semsagt að kjósa Vinstri græna, alls ekki Samfylkinguna!

1001 bestu plötur ever

2007-04-27T07:29:00.000-07:00

Sigurgeir féll í stafi yfir bók eða eiginlega bíblíu sem Eyvi frændi á, bókin er umfjöllun yfir 1001 bestu plötur ever og fer víst bara nokkuð nærri lagi. Plöturnar voru valdar af grúppu af blaðamönnum frá ýmsum löndum og mér skilst að Arnar Eggert hafi eitthvað komið að bókinni. Plötunar í bókinni eru líka ansi fjölbreyttar, það er ekki bara verið að snobba fyrir grúbbum eins og Sonic Youth. Fólk sem á að sjálfsögðu heima þarna eins og t.d. Brittney og George Michael eru ekki undanskilin.
Sigurgeir er búin að vera með þessa bók algerlega á heilanum og fann síðan heimasíðu tengda bókinni þar sem hægt er að hlusta á þær líka!!!

Það eru held ég fimm íslenskar plötur í bókinni og þær eru svo augljósar að þið ættuð að geta giskað á þær án þess að svindla og kíkja á heimasíðuna.

Skuldarar

2007-04-25T07:05:00.000-07:00

Ég skellti mér til Eyja um daginn með móðurfjölskyldunni til að fagna 100 ára afmæli Jónasar langafa mínum frá Skuld og ömmu Gunnu (amma í Gaggó). Það var búið að skipuleggja heilmikið prógramm á sumardaginn fyrsta, minningarstund um morguninn, fermingarveisla í hádeginu, í eftirmeiðdaginn var opnun ljósmyndasýningar hjá Sigurgeiri bróðir Ömmu Dúnu. Hann var að halda sína fyrstu einkasýningu og myndirnar á sýningunni spönnuðu allan ferilinn og voru bæði náttúrumyndir, portret og fréttamyndir. Frægustu mynd Sigurgeirs var svo stillt upp í miðju salarins, en hún er úr Surtseyjargosinu.
Um kvöldið var veisla og skuldararnir eru svakalega hresst fólk upp til hópa svo það var tónlist og dans og hlegið mjög hátt. Hressasta liðið endaði svo allt heima hjá Eyva móðurbróður mínum í svakalegu gítarpartíi þar sem lögmálið virtist vera að hressleiki ykist með aldri. Þetta var semsagt allt hið skemmtilegasta ættarmót fyrir þá sem eru hressir að upplagi og ætterni. Fyrir ykkur sem ekki hafið hitt föður minn þá verð ég að segja að hann er ekki hress, hann er eiginlega andstæðan við hress, hann er yfirvegaður, kaldhæðinn og á köflum soldið drumbslegur. Pabbi minn hefur því aldrei almennilega smollið inní þessa móður fjölskyldu mína, ekki að það sé einhver kali á milli þeirra, pabbi er bara soldið úti á þekju á svona ættarmótum. Svo gerist það á þessu ættarmóti að það myndast svolítil stemmning fyrir opinberar játningar af ýmsu tagi. Þetta byrjar í minningarstundinni þegar Sigurgeir ömmubróðir segjir frá prakkarstriki aftan úr æsku, hann ætlaði semsagt að stríða Sjöbbu systir sinni og hellti lampaspritti í súpudiskinn hennar en svo vildi til að langamma Gunna sá til hans og náði að svissa diskum Sjafnar og Sigurgeirs áður en sest var til borðs. Amma sá síðan til þess að Sigurgeir kláraði allan matinn sinn og Sigurgeir greyjið þorði ekki annað en að halda kjafti og hlýða. Um kvöldið tók Gulli frændi míkrafóninn, Gulli er mjög hress og skemmtilegur eins og allir sannir Skuldarar, hann notaði tækifærið og játaði nokkur kvikindisleg prakkarastrik sem skyldmenni hans höfði mátt þola af hans hendi í æsku. Loks þegar nokkuð var liðið á kvöldið og allir orðnir vel hressir þá tók pabbi minn til máls og ákvað að gera hreint fyrir sínum dyrum og játa gamlar syndir. Hann byrjaði að tala um einmitt þetta hvernig hans húmor næði nú ekki alltaf að slá í gegn hjá Skuldurum, sem dæmi um það nefndi hann að þegar hann og mamma hefðu verið par í tíu ár þá kom tengdamamma hans, hún amma Dúna, í heimsókn til okkar í Ameríku. Eftir eitt notalegt kvöldið þá gellur uppúr ömmu: "Steini ég vissi ekki að þú hefðir húmor!" Amma hafði semsagt þekkt pabba í tíu ár og alla tíð haldið að hann væri algerlega húmorsnauður. Svona hefðu samskipti hans við ættina ávalt verið sagði pabbi og þá kom að játningunni. Pabbi ljóstaraði svolitlu sem ég hafði aldrei heyrt. Kynni hans af skuldurum hefðu nefnilega ekki hafist þegar hann kynntist mömmu 17 ára gamall. Fyrstu kynni hans voru nefnilega tveim árum fyrr. Þá fór pabbi með landsprófsbekknum sínum í ferð til Eyja og fékk bekkurinn að gista í gagganum. Pabba og vinum hans hafði tekist að smygla með sér brennivíni og vitanlega var það drukkið, en árvökull húsvörðurinn í gagganum sá til pabba og hirti af honum flöskuna. Húsvörðurinn var auðvitað langafi minn hann Jónas sem var svarinn bindindismaður. Þetta hefði nú allt saman verið í lagi ef pabbi minn hefði ekki gerst svo bíræfinn að banka uppá hjá langafa þegar þau voru að pakka saman og heimta flöskuna sína aftur. Strákskrattanum var auðvitað snarlega hent á dyr. Þið getið svo rétt ímyndað ykkur hvernig pabba leið tveim árum seinna þegar hann hitti þennan húsvörð aftur á heimili kærustu sinnar.

Masculinity makeover

2007-04-12T03:11:00.000-07:00

"Tveir starfsmenn Olís á Reyðarfirði hafa verið ákærðir vegna mengunarslyssins í sundlauginni á Eskifirði"

2007-04-04T08:09:00.000-07:00

Mikið vona ég að þessir menn verði ekki fundnir sekir.

Eitthvað finndist mér nú öfugsnúið við réttarkerfi sem dæmir forstjóra Olís saklausan af því að arðræna landann svo árum skiptir af yfirlögðu ráði, en sakfellir svo lágtsetta starfsmenn sama fyrirtækis fyrir eitt einstakt óviljaverk.

Er það ekki einmitt réttlætingin á þessum ógurlegu launum sem topparnir hafa að þeir bera líka ógurlega ábyrð?
Nei, ég var greinilega eitthvað að misskilja heiminn.

2007-04-02T05:57:00.000-07:00

Steinar bróðir minn var fermdur í gær í Laugarneskirkju. Hann fer stundum sínar eigin leiðir. Fyrir nokkrum vikum hafði fermingabarnið nefnilega rölt niður á næstu hæð og beðið Hjalta Hugason pabba Hugrúnar um að ferma sig. Hjalti hafði bara tekið vel í það að ferma barnið enda hafði hann líka skírt það á sínum tíma og því gerði hann samning við Hildi Eir í Laugarneskirku um að hann kæmi inní athöfnina og fermdi þetta eina fermingarbarn. Í síðustu viku fer Hugrún eitthvað að minnast á það við mig að pabbi sinn ætli að ferma Steinar, ég kannst ekki við það og þegar ég ræði um þetta við pabba og mömmu koma þau líka að fjöllum. Þau höfðu ekki hugmynd um þetta samkomulag Steinars og Hjalta frekar en ég. En að sjálfsögðu tókum við þessu fagnandi enda reyndist þetta var mjög skemmtileg fermingarathöfn í gær.

Aðkoma Hjalta að fermingunni var með tvennu móti, ekki nóg með að hann fermdi barnið heldur var hann einnig persónulegur stílisti. Hann lánaði fermingardrengnum nefnilega kjólfatajakka, svona mörgæsajakka . Buxurnar sem fylgdu við jakkan voru allt of stórar svo í staðinn voru venjulegar fermingardrengjabuxur voru látnar duga. Slaufuna og mittislindan fengum við í herrafataverslun kormáks og skjaldar sem er blessunarlega komin aftur á stjá og þetta var síðan allt saman poppað upp með konvers skóm.

Veislan var haldinn heima á Laugarnesveg og þó íbúðin sé ekki nema 88 fm var bara ljómandi gaman. Það er einhvernveginn afslappaðra og vinalegra þegar veislur eru haldnar heima og bara enn skemmtilegra þegar þétt er setið. Þá verða bara allir að spjalla við alla, meira að segja unglingarnir urðu að vera sósíal því það var hvergi hægt að vera í friði.

Fermingardrengurinn fékk svo fullt af flottum gjöfum, vænt seðlabúnt og hafði bara gaman af þessu eins og glettnar pósurnar í fermingarmyndatökunni gefa til kynna .

Svo virðist sem ég muni aldrei vaxa uppúr unglingamyndunum!

2007-03-30T03:45:00.000-07:00

Á gamla sparklingmotion blogginu var að minnsta kosti einn pistill í mánuði um unglingamyndir og heitustu unglingamyndastjörnurnar. Það hefur lítið farið fyrir þessum málaflokki hér á þessu bloggi, enda hefur þetta blogg mitt töluvert virðulegra yfirbragð sem gerir það að verkum að ég hnegjist frekar til skrifa um alvarlegri málefni svo sem, ættfræði, veður og búskap.

Ég ætla að hressa aðeins uppá ímynd þessarar bloggsíðu með smá innskoti um heitustu unglingamyndastjörnu dagsins, "It" strákinn Channing Tatum!

Channing Tatum eins og svo margar unglingamyndastjörnur er 10 árum eldri en persónurnar sem hann leikur, fæddur 1980. í gamla daga gerði ég grín að því að því að Dylan Mckay, Steve Saunders og Andrea Zukerman væru leikin af fólki sem væri að nálgst þrítugt. Í dag þakka ég guði fyrir þessa hefð því það afsakar það að ég skuli enn geta lifað mig inní unglingamyndirnar.

Þetta fagurskapaða nýstirni hefur ekki leikið í mögum bíómyndum, hann hefur aðalega stundað módelstörf og þó hann hafi notið töluverðarar velgengni í þeim bransa þá fannst honum það ekki nógu gefandi og fór því að snúa sér meira að kvikmyndum: “You are just yourself and you look how they tell you to look and that’s really about it, so it’s not that complicated.” Af greiðasemi við kvennkyns lesendur ætla ég ekki að birta neina módelmynd af herra Tatum því samkvæmt eðli hátísku auglýsinga eru þær svo mikið að reyna að varpa út kynþokka þessa unga manns að þær skjóta yfir strikið.

Ástæðan fyrir því að Channing verðskuldar yfir höfuð umfjöllun á þessari bloggsíðu er einfaldlega sú staðreynd að hann lék aðalatracktionið í líflegustu unglingamynd síðasta misseris, nefnilega endurgerð Shakespeare leikritsins Twelfth Night : She's the man! Þar lék hann hinn málhalta Duke sem er íþróttahetja og mikill töffari út á við en mjúkur sem marsipan innávið (og hugsanlega hommi miðað við plott myndarinnar).

Channing hefur svo fylgt She's the man eftir með unglinga dansmyndinni Step up. En svo virðist sem ein slík komi alltaf út á fimm ára fresti (sem er æði því ég elska svoleiðis myndir). Step up er ekkert öðruvísi en allar hinar dansmyndirnar sem gerðar hafa verið, þetta er fínn kokteill af með slettu af Fame, Saturday night fever, Flash dance, Dirty dancing, og góðum slurk af Save the last dance með juliu Stiles sem kom út 2001.

En allavega er Channing Tatum mikið augnakonfekt sem ég vona að muni leika í unglingamyndum langt fram á fertugsaldurinn.

Svar

2007-03-26T04:28:00.000-07:00

Já Gunnhildur var með gaurinn, þetta er Cristian Bale, en það var ekki spurt um það, heldur hver er stjúpmamma hans. Stjúpmamma hans er ekki hommi, skemmtileg pæling samt. En ekkert stig fyrir þig!

Olla og Kiddy voru nálægt því með því að ýja að því að stjúpmamma hans væri femínisti, en þar sem að við erum allar með femínisma á heilanum þá var það frekar augljóst gisk og nafnið á femínista stjúpmömmunni kom ekki, þannog að það er 0 stig fyrir ykkur!

Hugrún hafði ekki einu sinni fyrir að giska og því fær hún -1 stig!

Hint (tekið af wikipedíu):

On September 3, 2000, at age 66, she married David Bale, father of actor Christian Bale. The wedding was performed at the home of her friend Wilma Mankiller, formerly the first female Chief of the Cherokee Nation. Her marriage gained much publicity, not only due to her semi-celebrity status, but also because she had once famously quipped, "A woman without a man is like a fish without a bicycle." She and Bale were married for only three years before he died of brain lymphoma on December 30, 2003, at age 62.

Æ ég læt þetta bara vaða, þetta er Gloria Steinem, blaða- og baráttukona, stofnandi Ms. magazine og ókrýnd drottning bandarísku kvennabaáttunnar á 7 . 8. og 9. áratugnum!

P.s Mankiller er svakalegt indjananafn, ekkert Sofandi-Belja neitt, heldur MANKILLER!

Getraun: Hver er stjúpmamma þessa manns?

2007-03-23T03:15:00.000-07:00

2007-03-14T03:14:00.000-07:00

Ég er á rangri hittu ég ætti að vera fermingarplanner, ég gerði svo fínt boðskort í ferminguna hans Steinars. Svo tók ég að mér að vera skreytingarstjóri, þema lituinn er vorgrænn og nú er ég að skima verslanir eftir vorgrænu skrauti og kertum.

Erfiðast verður samt örugglega að finna gjöf handa barninu (ég nota núna hvert tækifæri til að kalla hann barnið því ég hef lofað Sigurgeiri að ég muni hætta að kalla Steinar Barnið strax eftir fermingu, Sigurgeir finnur víst eitthvað til með honum verandi örverpi sjálfur).

Við Sigurgeir vorum að rifja upp hvað við hefðum fengið í fermingargjöf og hvað hefði nýst okkur best, og við vorum eiginlega sammála um að einn hlutur sem við fengum bæði (en ég má ekki nefna vegna þess að Barnið gæti lesið þetta) hefði skarað framúr í notagildi því hann hefur nýst okkur á ferðalagi um lífsins stig er enn í fullri notkun þó hann sé uppí geymslu mestan hluta ársins. Það sem nýttist mér verst voru allir skartgripinir sem ég hef ekki einu sinni haft fyrir að tína heldur eru þeir að morkna ofan í ljóta skartgripaskíninu sem ég fékk líka í fermingargjöf og hefur ekki verið opnað nema annað hvert ár.

Allar tillögur að fermingargjöfum eru vel þegnar!
Hvað fenguð þið í fermingargjöf sem hefur nýst ykkur?

Kokteilakviss,

2007-03-08T03:49:00.000-08:00

Í tilefni af alþjóðlegum baráttudegi kvenna, 8. mars, efnir femínistafélagið Bríet til baráttugleði á Barnum (Laugavegi 22) kl. 20:00. Kvöldið verður pakkfullt af baráttuþrungnum þrumuræðum, tónlist og skemmtilegheitum. Í fyrra sveif andi kvenréttindakvenna aldamóta yfir vötnum, en nú mun póllinn færast yfir til nútímalegs og fjölbreytilegs femínisma.
Húsið opnar 19:30 og hefst á kvenlegri spurningakeppni (kokteilakvissi) í umsjá kvenskörunganna Silju Báru Ómarsdóttur, Höllu Gunnarsdóttur og Auðar Alfífu kl. 20:00 stundvíslega. Mælst er til að femínistar mæti tímanlega. Auk þess munu stíga á stokk skúrkurinn eða hetjan Sóley Tómasdóttir, hin ljúfsára Ólöf Arnalds, leikkonan og langsokkurinn Ilmur Kristjánsdóttir, karlafemínistarnir Hjálmar og Gísli og fleiri.

Þó svo miklu hafi verið áorkað er ekki hægt að tala um að algjöru jafnrétti kynjanna hafi verið náð. Því er meiningin að fylla fólk baráttuanda og fagna margbreytileika femínismans. Þannig ætlum við að taka þrjú skref fram á við í jafnréttisbaráttunni næstkomandi fimmtudagskvöld.

Sameinumst í skemmtun á alþjóðlegum baráttudegi kvenna, fimmtudaginn 8. mars, á efri hæð Barsins (22) kl. 20:00 og fram á rauða femínistanótt. Ekki láta þennan viðburð fram hjá þér fara

2007-02-17T17:00:00.000-08:00

í sveit hjá Gunnhildu og Garðari

2007-02-17T16:55:00.000-08:00

Gettu betur er kennt í Ármúla!

2007-02-13T07:51:00.000-08:00

Ármúli er snilldarskóli:
Nú er hægt að skrá sig í afar skemmtilegan áfanga hjá áfangastjóra, og mun hann kallast Gettu-betur áfangi. Áfangann kennir Gísli Hvanndal, sem hefur bæði þjálfað Morfís og Gettu-betur lið skólans. Allir ættu að geta haft bæði gagn og gaman af áfanganum, hvort sem þeir hafa áhuga á Gettu-betur keppninni eða ekki. Fyrst og fremst verður áhersla lögð á samtímasögu en einnig lestrartækni og önnur vinnubrögð, auk ýmiss annars skemmtilegs fróðleiks.

Markmið, Að nemendur:

auki almenna færni sína í námi og skipulagi þess; auki lestrargetu sína með hraðlestrartækni og eigi þannig auðveldara með að komast yfir allt það lesefni sem lagt er fyrir í skólanum og meira til.
hafi meiri þekkingu á samtímasögu og samhengi hennar við fyrri tíma.
auki fróðleiksþorsta sinn, svali honum, og séu þá e.t.v. betur í stakk búnir að taka þátt í Gettu-betur keppninni, já eða bara Trivial Pursuit um næstu jól.

NA 0-2m/s -9°C á Akureyri í dag

2007-02-13T07:38:00.000-08:00

Frábært veður, tilvalið að skella sér á skíði var sagt á heimasíðu hlíðarfjalls í dag

Ég er að hugsa um að fara á skíði um helgina, Gunnhildur og Hugrún eru eitthvað að agitera fyrir Hrísey en ég held að það sé skítapleis.

Þið eruð ömurleg

2007-02-07T04:03:00.000-08:00

Dúddi hvað vinir mínir eru óspennandi lið upp til hópa!
Af öllum sem féllu í gildruna mína þá voru einungis tvö svör sem báru smá vott um að sá eða sú bæri með sér leyndar tilfinningar.
Þura er skotin í Þórði, þið eruð gift we know!
Kiddy er skotin í Valda, wow big supprise,
Hugrún í Gutta, og til að vera viss um að koma í veg fyrir allan miskiling þá svaraði hún Guðjón Hauksson.
Þórana sagði auðvitað Þorsteinn (ég var svo að vona að eitthvað leynilegt vinnustaða ástarsamband kraumaði þarna undir svölu yfirborðinu).
já og Steinar sagði Katrín og Halli sagði Elín (eins gott) og gaman að vita að þeir lesa bloggið mitt, hæ Halli, hæ Steinar!
Meira að segja Andrés önd sagðist vera skotin í Andrésínu!

Fríða er hinsvegar ekki öll þar sem hún er séð, auðvitað elskar hún Arnar sinn og setti hann í 1. sæti af fullkominni skyldurækni en innst í hjarta hennar veit hún að Steingrímur J Sigfússon er sálufélagi hennar og því fékk hann 2. sætið.
Fríða er djúp og dularfull kona og þriðji karlmaðurinn hefur alltaf höfðað til myrku hliðar persónu hennar, í grámyglu hversdagsins afneytar Fríða þessari dökku hlið sálar sinnar en þegar nóttin kemur dreymir hana um myrkrahöfðingjann Nick Cave.

Hitt svarið sem hefur valdið mér miklum heilabrotum er frá herramanni í dulargervi, sá maður kallar sig Gaur með brjóst og segjist vera skotin í Emilíu Örlygsdóttur! Gaur með brjóst við þig vil ég segja: komdu út úr skápnum (ekki hommaskápnum samt)og játaðu ást þína opinberlega, hrópaðu ástarjántingu þína út um gluggan, tilkynntu heiminum, að þú, hver sem þú ert, sért ástfangin af hinni fögru Emilíu.....

Vá þetta er soldið sniðugt:

2007-02-02T07:32:00.000-08:00

http://www.knowyourcrush.com/findcrush/4503

Mér hefur alltaf langað á þessa keppni

2007-02-02T03:30:00.000-08:00

Hin árlega hönnunarkeppni véla- og iðnaðarverkfræðinema verður haldin í 17. sinn þann 2 febrúar næstkomandi kl. 13.00 í Háskólabíói, sal H-1. Brautin að þessu sinni er 0,8m að breidd og 5,2 m að lengd og skiptist í tvær hæðir. Tæki keppenda þarf að geta keyrt á milli staða í brautinni og safnað saman tennisboltum sem skilað er í kassa í endamarki.

Uhh ég kemst ekki.
Er þetta ekki alltaf sýnt í sjónvarpinu?
Hvað með nýjasta tækni og vísindi er það ennþá sýnt?

Ég fæ smá sting í magan....

2007-01-31T01:43:00.000-08:00

...og roðna örlítið af vanlíðan og skömm þegar ég hugsa til leiksins í gær. Eftir leikinn í gær var ég enn svo æst að vanlíðanin náði ekki til mín, en núna í morgunsárið læðast vonbrigðin að manni.
Þessi leikur hefði getað farið í báðar áttir og liðið okkar vann svakalegt þrekvirki bara með því að komast í framlengingu. En það hræðilega er að nú styrkajst Danir í þeirri trú að þeir séu betri en við og það meika ég ekki.

Matvörur sem ber að forðast

2007-01-29T03:56:00.000-08:00

Vegna lækkunar virðisaukaskatts núna í mars, eru ansi margir sem sjá sér leik á borði og hafa nýtt sér þetta tímabil til að hækka vörur sínar. Þetta er ekkert nema svindl á okkur neytendum, því þessi lækkun stjórnvalda átti að koma í vasa okkar neytenda en ekki byrgja og verslana. Nú er því komið að okkur neytendum að láta í okkur heyra, ég veit að við erum vön að kvarta hver í sínu horni en er ekki kominn tími til að láta þessa aðila vita að við sættum okkur ekki við hvað sem er. Besta ráðið til að mótmæla þessum aðferðum er einfaldlega að hætta að kaupa þessar vörur.

matvörur sem ber að forðast

Cosmo girl málar bæinn rauðan

2007-01-29T02:12:00.000-08:00

Langþráður draumur varð að veruleika um helgina. Ég skellti mér á fullkomnlega óvænt kokteiladjamm á hinum ólíklegustu börum neðri-bæjarins sem endaði í dansi fram á rauða nótt.
Þetta byrjaði mjög sakleysislega, hitti Hugrúnu, Gutta, Þórð og Þórönu á kaffibrennslunni um kvöldmatarleytið. Við stelpurnar skelltum okkur á einn mojitó svona til hátíðarbrigða. Svo var haldið á kaffi viktor og þar héldum við kokteila smökkuninni áfram: Jarðaberja twister, jarðaberja margarita, cosmopolitan, white russian, eitthvað mangó sull og klassikerinn Cuba libre.
Cosmópolitan var ógeð, smakkaðist eins og meðal, mikil vonbrigði þar!
Eins og sönnum karlmönnum sæmir létu strákarnir ekki plata sig úti eitthvað koteila sull en héldu sig við bjórinn mest allt kvöldið. En þegar komið var á Barinn skilst mér að Þórði hafi tekist að plata oní Sigurgeir og Gutta einn tequila og það var frábært því 5 sek seinna voru gæjarnir komnir fyrstir manna á dansgólfið.

2007-01-26T03:52:00.000-08:00

Þegar ég las bloggið hans Þórðar áðan mundi ég allt í einu eftir draumi sem mig dreymdi í nótt. Við Sigurgeir vorum að keyra eftir suðurlandsbrautinni á trausta Subaru Foresternum okkar, minn trausti maki við stýrið ákveður svo að gefa í og bruna á rauðu yfir kringlumýrarbrautina sem var pakkfull af bílum. Hann bara snappaði!

Þetta hlýtur að vera þýða eitthvað! Undirmeðvitundin er örugglega að segja mér að þessi ljúfi og trausti gaur sem ég bý með er í raun snargeðveikur.

Ég hef sagt skilið við Olluvaldaingunnihugrúnugutta að bloggi og sæng.

2007-01-24T00:40:00.000-08:00

Það hefur sannast enn og aftur að óhefðbundin sambúðarform virka ekki og aðeins 1 af hverjum 3 hefðbundnum sambúðum ganga upp. Þess vegna ætla ég að halda út mínu eigin bloggi þvi þar get ég verið minn eigin administrator!Humm fyrsta færslan síðan í sumar... Ég verð allt í einu soldið feimin.

Ég fór á Icelandic fish & chips staðinn um daginn. Það var goður matur þó skammtaður væri helst til naumt fyrir búra eins og Gutta og Lalla sem urðu að fá sér sykurlausa heilhveiti brání með sojarjóma til að fylla uppí tómarúmið. Þetta er kannski aðeins of ópersónuleg færsla, álíka áhugavert og veðurlýsing.

Ég fékk mjög óvænta og skemmtilega heimsókn til mín í vinnuna í gær. Þórður kallinn mætti til að spjalla við okkur Þórönu á leið sinni í blóðbankan. Ég nota auðvitað hvert tækifæri til að sleppa úr vinnunni og lét því til leiðast að fara með honum. Þetta var fyrsta skiptið mitt og ekki beint ánægjuleg reynsla að láta stinga sig og tappa af sér sjálfan lífs elexírinn. En hjúkkurnar í blóðbankanum eru eins og flugfreyjurnar hjá Icelandair, svo ótrúlega notalegar og vinsamlegar en jafnframt fagmannlegar. Svo horfir maður á plakatið af veiku sköllóttu barninu sem situr sallarólegt meðan verið er að pumpa í það blóði og velgjan breitist í vellíðan.
Við Þórður sátum svo heillengi inná kaffistofu blóðabankans, spjölluðum, úðuðum í okkur kökur og drukkum í okkur sjálfsánægutilfinninguna.
Soldið metnaðarlaust fyrir fyrstu fæslu, en verður að duga.

BACK IN MOTION: Sparklingmotion revival

2006-09-11T08:42:00.000-07:00

Hjónavígsla á Bolungavík

2006-06-20T03:57:00.000-07:00

Ég var í mjög glæsilegri og vel heppnaðri giftingu um helgina á Bolungavík. Gott veður skemmtilegt fólk, falleg athöfn og frábær veisla. Steinar frændi minn og Kartín spússa hans eru líka flott par sem eru víst búin að vera saman í níu ár þó hann sé bara 80 módel. Mér vöknaði um augu í athöfninni þegar Oddur bróðir brúðgumans söng og spilaði á gítar Lovesong með Cure. Veislan var glæsileg og breyttist fljótlega í geggjað partý. Ég og Sigurgeir tylltum okkur hjá Agli og lentum því á vinaborðinu. Birgir Ísleifur veislustjóri stjórnaði samkvæminu með miklum aga en jafnframt góðum húmor. Hápunktur kvöldsins var síðan þegar hjónakornin dönsuðu brúðkaupsvalsinn, húsið ærðist þegar fyrstu tónarnir í "I've had the time of my life" hljómuðu og brúðhjónin léku "dirty dancing" nákvæmlega eftir, meira að segja þegar koma að "the lyft" þá greip Steinar bara stól sem Katrín stökk fimlega uppá. Svo voru gestir drifnir út á dansgólfið alveg eins og í myndinni. Ég og Sigurgeir vönguðum mjög varlega, við vildum ekki að byltan úr brúðkaupi Þuru og Þorðar endutæki sig. Egill nýtti sér bragð úr Wedding crashers og dansaði við eina af brúðarmeyjunum, sex ára eða svo, tilgangurinn var að heilla einhleypa kvennfólkið í veislunni og eflaust virkaði það.
En allavega þá var þetta frábær helgi og nú er ég víst farinn aftur uppá hálendi í þetta skipti, verða semsagt í kerlingafjöllum næstu fjórar vikurnar og þið megið endilega koma að heimsækja mig ef þið eruð á ferðinni.
Egill ég bíst svo við þér og Önnu í næstu viku!

Önnur mynd frá Binna

2006-06-20T03:51:00.000-07:00

Binni, Emílía og Þóra
Svaka spenna!

Kíkið á bloggið hans Binna í dag!

2006-06-14T08:09:00.000-07:00

Binni er sko gamall vinur minn og Emilíu frá því að við bjuggum á Hjónagörðum. Nú er Binni vinur hans Sigurgeirs.

Ég var að skila MASTERSRITGERÐINNI MINNI!!!

2006-05-31T06:05:00.000-07:00

Ég er orðlaus af hamingju...
ætla bar að grenja smá...
hlægja smá líka...

Aggaggag!

Partý á laugardaginn.

ÞÁ MEGIÐ ÞIÐ ÁVARPA MIG SEM MEISTARI MEISTARI

Jæja Belle & Sebastian á Borgarfirði Eystra reyndist ekki vera aðeins kjaftasaga!

2006-05-29T06:16:00.000-07:00

Þau eru reyndar að spila á nasa líka en væri ekki skemmtilegra að fara austur og sjá þau þar?
Hver er með mér á Álfaborgarséns á Borgarfjörð eystra 28-30 júlí?

Sjáið Unni Birnu detta á sviðinu!

2006-05-25T11:34:00.000-07:00

orðtakasafn Bibbu

2006-05-25T11:11:00.000-07:00

#1 Það er ekki hundur í hettunni
#2 Það er ljóst hver ríður rækjum hér...
#3 Þetta er ekki upp í kött á nesi
#4 Mér er nú ekkert að landbúnaði...
#5 Allt fór afsíðis sem gat farið afsíðis...
#6 Þau eiga þvílíka myllu, lifa eins og greifingjar og leika á alls eggi...
#7 þarna hefði ég sko viljað vera dauð fluga á vegg...
#8 Ég sá svo sætan strák að ég fór alveg fram hjá mér...
#9 Hann sat bara eftir með súrt eplið...
#10 Og, nú, góðir farþegar, er einmitt fengitími melóna...
#11 Ég hreinlega vissi ekki í hvorn fótinn ég átti að setjast...
#12 Þar stóð hundurinn í kúnni...
#13 Maður fer í bæinn til að sjá sig og sýna aðra...
#14 Svo handflettir maður rjúpurnar...
#15 Já, fólk núorðið er svo loðið á milli lappanna...

sexy name decoder

2006-05-24T03:31:00.000-07:00

width="240" height="180"
alt="Sexy Individual Gladly Undertaking Rapturous Gratification and Erotic, Intense Recreation"
border="0">

Hvað er hægt að lesa úr þessari mynd?

2006-05-23T09:19:00.000-07:00

Að ég sé fæddur leiðtogi!
Að ég syndi á móti straumnum!
Að ég er ávallt einu skrefi á undan!
Að ég kunni ekki að vinna með öðrum!
Að ég sé taktlaus í dansi sem og í mannlegum samskiptum!

Baulaðu nú Oddlaug ef þú ert einhverstaðar á lífi

2006-05-23T04:55:00.000-07:00

Ég vill byrja á að óska Oddlaugu til hamingju með daginn ef hún er einhverstaðar á lífi. Til Hamó!
Svo langar mig aðeins að fárast yfir því að Kristjana gamla vinkona okkar og baráttufélagi fyrir kvennfrelsinu sé nú um þessar mundir að leika stolta og stressaða móður í auglýsingu fyrir Vilhjálm, hin ástríka verðandi borgarstjóra. Nú eru reyndar tíu ár síðan við vorum sem mest saman en hvað gerðist?

Helga Sara

2006-05-19T13:53:00.000-07:00

Við Sigurgeir erum soddan lúðar og leigðum okkur til skemmtunar decoding DaVinci eða hvað þessi skrambans mynd nú heitir. Þetta er ekki Tom Hanks myndin sem allir eru að bíða eftir heldur heimildarmynd og mjög léleg heimildarmynd verð ég að segja. Gæði myndatökunnar eru þannig að ég mundi treysta 12 ára gömlum bróður mínum til að gera betur. Íslenska þýðingin er lika út í hött. En viðmælendurnir eru sumir bara nokkuð skemmtilegir og það eina sem er trúverðulegt við myndina er það sem kemur beint uppúr þeim.
Annað sem mér þótti mjög áhugavert við myndina er þegar kynnirinn minnist á Saint Marie de la Mer í Camargue, sem er bær sem ég Ingunn, Hugrún og Gutti heimsóttum sumarið 2000. Þessi bær er nefnilega mjög furðulegur, hann er frekar afskekktur og menninginn í bænum er ekki beint frönsk, þetta er nefnilega miðstöð síguna. Í þættinum er talað um kirkjuna í bænum eða réttara sagt helgimynd sem er í kirkjunni af Saint Söru og er víst dýrðlingur síguna en er víst ekki viðurkennd af kaþólsku kirkjunni. Ég ákvað að lesa mér aðeins til um þetta á netinu og þeir sem ekki þekkja plott DaVinci lykilsins ættu að hætta að lesa núna.
According to one local legend, after the resurrection of Christ, Mary Magdalene, Marie-Salome, Marie-Jacobe, Lazarus and several other disciples were forced, in 45 AD, to flee the Holy Land by boat. Following a perilous journey across the Mediterranean Sea, the boat eventually landed near the present day village of Saintes-Maries-de-la-Mer, where the passengers went ashore. What next happened to the passengers is not specified in the legend but two of them, Marie-Salome and Marie-Jacobe, became, in time, objects of veneration to the local people. The church however, enshrines three images, the additional one being of Sara-la-Kali, whose origin and identity are quite mysterious. The gypsies that throng to worship her each May believe Sara to have been a powerful local queen who welcomed the tired travelers from the Holy Land, while other sources suggest she may have been an ancient pagan goddess or a black Egyptian woman who was the servant of Christ's mother Mary. Whatever the explanation, the three female statues are the subject of the fascinating 'Pilgrimage of the Gypsies', held each year on May 24 and 25.
Málið með Helgu Söru er að hún er svört og í heimildarmyndinni er það gefið í skyn að hún sé ekki þjónustustúlka Maríu magdalenu heldur dóttir hennar og Jesú og að María Magadalena hafi líka verið svört og af eþíópísku eða egyfsku bergi brotinn. Þessi saga frá saint marie de la mer og dýrkun sígunanana á Helgu Söru meira en nokkuð annað í þessari mynd eða í DaVinci lykklinum sjálfum sannfærði mig um gildi þessara kenninga sem viðraðar eru því Sígunar eru svo utangarðsmenningarheimur og beisik kenningin í bókinni er sú að hið kvennlega hafi verið útilokað í kristinni trú með því að útiloka það að María Magdalena hafi verið ástkona Jesú og einn af postulunum en í stað úthrópa hana sem hóru. Kirkjan, þessi fullkomna feðraveldisstofun, hefur matreitt oní okkur einn sannleik, einn sannan Guð um aldir alda og hvar eru konurnar, þær eru tvær og önnur er upp á stalli og hin niðrí svaðinu. Sígunarnir þeir eru samt soldið sér á báti. Það er virkar á mig eins og þessi eini sannleikur kirjaunnar hafi aldrei alveg náð til sígunanna og því halda þeir brjálað partý á hverju ári í saint marie de la mer til heiður þessum maríum og svo hinni dularfulli Söru.

nýr spurningalisti vei!!

2006-05-18T05:17:00.000-07:00

1. Aldrei í lífi mínu: myndi ég prófa fallhlífastökk að ganni mínu.
2. Þegar ég var fimm ára: hékk ég oft með Emilíu og settist út í garðinn í hressó í góðu verðri, já og geri víst enn.
3. Menntaskólaárin voru: ók en verða alltaf skemmtilegri og skemmtilegri í minningunni.
4. Ég hitti einu sinni: Ethan Hawk í þvottahúsinu heima en það var víst bara draumur.
5. Einu sinni þegar ég var á bar: já og hvað, það gerist aldrei neitt markvert á börum, um daginn fór ég reyndar með Emilíu á bar 11 og voða sætur menntskælingur bauð mér upp í dans.
6. Síðastliðna nótt: svaf ég mjög illa því ég er örugglega tognuð í öxlinni eftir leikfimina í gær.
7. Næsta skipti sem ég fer í kirkju: verður á morgun, ég er að fara að vinna.
8. Þegar ég sný hausnum til vinstri sé ég: suðurgötu kirkjugarðinn og Esjuna.
9. Þegar ég sný hausnum til hægri sé ég: rússneskar, finnskar og grískar bókmenntir 891.7-899.
10.Þegar ég verð gamall: ætla ég að vera með sítt grátt hár með svona fjólublárri slikju.
11. Um þetta leyti á næsta ári: verð ég á fullu í undirbúningi fyrir fimmtugs afmæli pabba og mömmu, stúdentsveisluna hans Gutta og jafnvel ferminguna hans steinars ef hanni verður slegið með.
12. Betra nafn fyrir mig væri: Jennifer
13. Ég á erfitt með að skilja: tímann.
14. Þú veist mér líkar vel við þig ef: ég þú gefur mér að borða.
15. Fyrsta manneskjan sem eignaðist barn í mínum vinahóp er: Emilía, held ég.
16. Farðu eftir ráðum mínum: hættu að reykja ég nenni ekki að vera eina hlussan í vinahópnum.
17. Uppáhalds morgunmaturinn minn er: te og kex
18. Afhverju myndi ég hata þig?: ef þú værir alltaf grenjandi eins og fólkið í amrísku raunveruleika þáttunum.
19. Ég myndi stoppa mitt eigið brúðkaup ef: ja ef hvað, kannski ef suðurlandsskjólftinn væri að bresta á og við þyrftum öll að flýja land.
20. Heimurinn mætti alveg vera án: miss world.
21. Ég myndi frekar sleikja svínsrass en að: hætta mér út í pólitík..
22. Bréfaklemmur eru nytsamlegri en: miss world.
23. Ef ég geri e-ð vel, er það: að gera fastafléttu, ég setti mér það mark þegar ég var 10 ára í vindáshlíð og ég verð bara að segja að það hefur tekist, ég er mjög góð í að gera fastafléttu.
24. Myndir sem ég felli tár yfir eru: fáar á seinni árum en í síðustu viku grejaði ég yfir myndinni sisterhood of the traveling pants.

Ef þetta er ekki tilefni til að skála...

2006-05-16T09:44:00.000-07:00

Þetta var príðisgóð garðveisla hjá henni Ollu á Laugardaginn. Ég fór að íhuga að halda eitthvað uppá að ég hafi skilað ritgerðinni, (ég vona að ég sé ekki að djínksa mig með að segja þetta og ritgerðin alls ekki tilbúin). Ég er búin að hafa þessa ritgerð hangandi yfir mér eins og skugga í tvö ár, Sigurgeir man ekki eftir mér öðruvísi en með sammara yfir þessari fjá... uh frábæru ritgerð. Kannski maður slái bara upp veislu laugardaginn 2. júní, kampavín og jarðaber, eða grillveisla og bjór, eða trampólín og ávaxtasalat, eða vöflur og kakó, eða popp og pride and prejudice.

Kemur í ljós!

þetta er mjög blekkjandi því ég hef bara komið til átta landa!

2006-05-12T04:26:00.000-07:00

Killerstreet 101

2006-05-10T04:09:00.000-07:00

Gutti kíkti í heimsókn í gærkvöldi, já og Emilía og Garpur! Þau voru að skoða íbúð til leigu á Leifsgötu, það verður frábært að hafa þau svona nálægt í sumar. Ég held að það sé húsið fyrir ofan Önnu og Freysa og þau flytja líklega 1. júní. Nú er það málið að fara að endurskýra Killerstreet:

Tillaga #1
Partýstreet

Tillaga #2
Happýstreet

Tillaga #
Friendsstreet

Tillaga #4
BarBQstreet

Tillaga #5
HappyfriendsbarBQpartýstreet

Staðinn að verki!!!

2006-05-08T16:55:00.000-07:00

Hugrún stóð exbé að verki við siðlausasta athæfi sem hugsast getur í nútímaþjóðfélagi, ég mæli með að þið kíkjið á bloggið hennar og skoðið myndina!

pandora, jeg elska tig

2006-05-05T03:45:00.000-07:00

Þetta er nú meiri snilldinn. Það er búið að reikna út tónlistarsmekk minn með vísindalegurm aðferðum, og þetta virkar! Sjáið þessu fínu lög sem koma, mæli sérstaklega með papas fritas þau eru æði!

Barnabók í smíðum

2006-04-29T12:11:00.000-07:00

Ég ætla mér að gera barnabók og vinna barnabókasamkeppni og græða fullt af peningum.
Hugmyndin er að sanka að mér hugmyndum að leikjum sem reyna á ímyndaunaraflið og sem að börn geta framkvæmt sjálf heima hjá sér eða hvar sem er. Bókin á að hjálpa börnum að finna sér eitthvað að gera í stað þess að vera í tölvunni, glápa á sjónvarpið eða láta sér leiðast. Pælingin er að leita í eigin hugarfylgsnum og annara eftir uppáhalds ímyndurnarleikjum og uppátækjum síðan úr barnæsku. Svo er að setja þetta í einfaldan og skemmtilegan búning sem hentar börnum á aldrinum kannski 5 til 11 ára.
Það væri kannski ein grunnhugmynd að leik á hverri opnu og það væru margar tillögur að útfærslum.
Hugmynd #1 Völundarhús:
Völundarhús er hægt að búa til úr klemmum eða eldspýtum fyrir litla kalla eða bíla. Það er líka hægt að búa til stór völundarhús úr stólum og borðum og teppum inni eða spýtum, plötum og greinum úti eða garðstólum og borðum og teppum úti í góðu veðri. Það er hægt að búa til lítil völundarhús úti úr mold og steinum eða í sandkassanum. Það getur verið mjög skemmitlegt að búa til völundarhús fyrir gæludýrin, svo sem fyrir hamsturinn eða heimilisköttinn. Ég gerði einu sinni glæsilegt völundarhús úr mold og steinum fyrir kríunga sem ég og tveir aðrir stálum úr kríuvarpi, sem ég mæli reyndar ekki með að sé leikið eftir því að er óvíst hvort að mömmurnar vilji kríuungana aftur eftir að manneskja hefur haldið á þeim. En völundarhúsið var flott og við skemmtum okkur konunglega við að horfa á litlu ungana ráfa um gangana tístandi og skríkjandi.
Svo hvet ég ykkur kæru vinir til að kafa djúpt og leita að barninu í sjálfum ykkur, rifja upp bernskubrekin og bæta í bankann. Segið mér frá uppátækjum og leikjum sem þið gátuð dundað ykkur við tímum saman í friði fyrir foreldrum og fóstrum og öðru leiðinda liði. Ef hugmyndin ykkar verður nothæf fáið þið hugsanlega þakkir frá mér í formálanum.

hrópandi ósamræmi

2006-04-07T08:26:00.000-07:00

Ég hef alltaf verið fylgiskona þess að vera ósamkvæm sjálfri mér. Mér finnst það líka hið besta mál að aðrir séu það líka. Ég hef yfirleitt gaman af því þegar fólk hefur á sér ólíkar hliðar sem fara kannski ekki alltaf fullkomnlega saman. Einhverntíman man ég eftir því að ég og Olla komumst að þeirri niðurstöðu að það væri í góðu lagi fyrir hana að borða fisk þó að hún kallaði sig grænmetisætu af dyraverndunarsjónarmiðum, hún væri nefnilega líka íslendingur og sem slíkur bæri henni að borða fisk. Svona ósamræmi finnast mér mjög heillandi ef fólk er á annað borð vart um það að það er ekki samkvæmt sjálfu sér, þetta skaðar engan í það minnsta. En svo er ég að lesa mér til um umræðuna um hlutverk og eðli kvenna á millistríðsárunum og mér blöskrar stundum hvað konur þessa tíma voru ósamkvæmar sjálfri sér. Þær tala stundum í hreinni andstöðu við sinn eigin veruleika og virðast alveglega ómeðvitaðar um það.
Björg C Þorláksson segir t.d í 19, júni blaði frá 1925:
“Við vitum að grundvallarmunur er á eðli karla og kvenna, og þar af leiðandi verður gjarna grundvallar-munur á aðalstörfum þeirra í þágu þjóðfélagsins. Af þessu leiðir að meginþorri karla og kvenna getur ekki átt samleið nema fremur stuttan spöl í menntamálum sínum.”
Björg er samsagt að útlista þá skoðun sína að kynin gætu átt samleið í almennri menntun en ekki sérmenntun. Halló, afhverju er kona sem er með doktorsgráðu í sameindalífeðliskjarnorkufrumtækni að prédika það að kynin eigi ekki saman menntunarlega? Er hún að reyna að hylma yfir þá "synd" að hún sjálf sé með framhaldsmenntun í karlafagi, ég get hreinlega ekki ímyndað mér hvað konan er að pæla.
Svo er það frú Sigrún Blöndal frænka mín og skólastýra húsmæðraskólans á Hallormstað sem taldi að of mikil menntun gæti verið konum stórhættuleg, hún skrifar í tímaritinu Hlín árið 1926 um eðli og hlutverk kvenna og segir:
“En ekki er nóg með það, að mentaðar konur eigi færri börn og líkindi sje til að þau verði ver uppalin, heldur virðist reynslan sýna að þessi börn sjeu ver byggð. Svo virðist sem mikil andleg áreynsla sé konum óeðlileg og skapi hjá þeim óeðli. Kemur það fram á ýmsan hátt, en kannske skýrast og um leið átakanlegast í þeirri staðreynd, að mjólkurmyndun er minni hjá þeim konum, stundum enginn. En það kemur líka fram sem þreyta og verkar þá á taugakerfið og veiklar það. Sú veiklun getur gengið í arf til afkvæmisins.”
Mitt á milli þessara grótesk lýsinga hennar Sigrúnar á áhrifum menntunar á konur vitnar Sigurún í kenningar Darwins, Lúthers, Schiller og John Stuart Mill, Hún talar um forn egypta, rómarveldi, upplýsinguna og frönsku stjórnarbyltingurna og áhrif þeirra á hugmyndaheim vesturlanda. Hún notar í greininni hugtök eins og ‘pósitívisme’ ‘realisme’ ‘félagsfræði’ ‘race biology’ og ‘cromagnummenn.’ En Halló! í sömu andrá talar hún um hve óholl menntun er konum. Svona ósamræmi á ég erfitt með að kyngja, getur það verið að þessar konur hafi í alvöru ekki fattað í hverslags hrópandi ósamræmi þær væru við sjálfa sig. Það er eins og báðar þessar konur hafi neitað að samsama sig öðrum konum. Ég á bara ekki orð.

Baggalútur auglýsti:

2006-04-07T04:17:00.000-07:00

Kanamellur
baráttufundur um stöðu okkar og framtíðaráform kl. 12.00.
Fjölmennum

...Ingunn verðum við ekki að fara?

óður til elskhugans

2006-04-03T09:48:00.000-07:00

ohhh kallinn minn er sko
sá kænsti og klókasti,
snjallasti í snjókasti,
mesti og merkasti,
stæsti og sterkasti,
strákur á jörð.
Þið ættuð allir að reyna að líkjast honum meira,
því ég veit ekki um neinn sem jafnast á við Geira!

Getraun

2006-03-13T08:20:00.000-08:00

Hvaða charachter er þetta sem stendur við hlið Alex Spaulding?

Hillbillí killbillí

2006-03-13T03:27:00.000-08:00

Pabbi var að segja mér frá heimildarmynd sem hann horfði á um ljósmyndararnn Shelby Lee Adams. En sérsvið hans er að taka myndir af Hillbillíum og myndirnar hans eiga það sameiginlegt að fólkið á þeim er allt frekar óhugnanlegt og skrítið. Í heimildarmyndinni kom fram að flestar myndirnar hans eru uppstilltar, myndatökumenn fylgdust með myndatökunum og fólk sem vitist nokkuð eðlilegt í gengum linsu sjónvarpsvélanna varð stórfurðulegt í gegnum linsu Shelby Lee Adams. Það má segja að einmitt þessi eiginleiki er það sem gerir Shelby að svona góðum ljósmyndara en svo má líka fárast yfir því að hann sé að gera fátæklinga í afskekktum byggðum bandaríkjana að ómanneskjulegum furðuverum. Hann ali semsagt á þeirri steríótýpu sem hefur birst í myndum eins og Deliverance, að mountaineer fólk sé úrkynjað og skrýtið. Ef þið Googlið hann þá sjáð þið hvað ég á við!

tilraun 2

2006-03-06T09:39:00.000-08:00

Ég og bumbulína tókum videó á föstudaginn. Með örlitlu væli og nokkrum bolabrögðum tókst okkur að fá Sigurgeir til að leyfa okkur að taka rómantísku gamanmyndina The Prince and Me. Valið stóð reyndar á milli hennar og The Cutting Edge 2 og því miður hafði Prinsinn yfirhöndina. Prinsinn ver nefnilega hvorki gamansöm né rómantísk, hún ver ekki einu sinni væmin.
Nú segja einhverjir hjartleysingjar “auðvitað var hún ömurleg, þetta er fjöldaframleidd Disney klisja, við hverju bjóstu” bla bla bla. Fólk sem hugsar svona fílar bara ekki rómantískar gamanmyndir og svoleiðis fólk mun aldrei skilja vonbrigði okkar Ingunnar með þessa mynd. Málið er nefnilega að þegar maður leigir rómantískar gamanmyndir þá setur maður aðra standarda en á allar aðrar myndir, maður setur sig í ákveðnar stellingar. Fólk sem ekki fílar rómantískar gamanmyndir hefur aldrei lært þá list að slökkva á allri meðvitaðri hugsun, tjúna tílfinningarnar í botn og bara njóta. Við Ingunn erum mjög góðar í þessari list, Hugrún líka og Emílía, hún er eiginlega meistarinn.
En ef við Ingunn erum svona góðar í þessari list hvaðan komu vonbrigði okkar með Prinsinn? Málið er að rómantískar gamanmyndir verða að uppfylla fjögur grunnatriði til þess að hægt sé að njóta þeirra og hér að neðan hef ég góðfúslega tekið þessi atriði saman fyrir þau ykkar sem ekki kunnið þá list að horfa á rómantískar gamanmyndir.

Fjögur grunnatriði sem rómatísk gamanmynd verður að uppfylla
1. gaurinn verður að vera sætur, ef ekki verður hann að bæta það upp með sjarma.
2. gellan verður að hafa smá bein í nefinu, soldið spunký karakter, þið skiljið mig.
3. það verður að vera húmor í myndinni eða fyndinn aukakerakter svo sem homma vinur, feitur vinur eða skrítin amma.
4. söguþráðurinn má vera eins óraunverulegur, asnalegur og ólógískur og mögulegt er en það verður að felast í honum smá drama eða ævintýri, flatneskja er sama og dauði.

Fyrir þá sem gætu hugsað sér að stúdera betur þá list að horfa á rómantíska gamanmynd þá útbjuggum við Ingunn lista yfir allrabestu rómantísku gamanmyndirnar sem gott er fyrir óreynda að æfa sig á áður en farið er að taka vafasamari og erfiðari myndir.

Bestu rómantísku gamanmyndirnar (í stafrófsröð):
Briget Jones
Cry baby
The Cutting Edge
Dirty Dancing
Drive me crazy
Fever pitch
Grease
Grosse point blank
Love and Basketball
Never been kissed
Shrek
Sweet home Alabama
When Harry met Sally

Er ég nokkuð að gleyma einhverri?

Emilía, fyrstir koma fyrstir fá!

2006-03-04T07:11:00.000-08:00

1. Þú ert ábyggilega einn færasti sálfræðingur sem fyrir finnst á íslandi þegar kemur að því að koma auga á vandan og skilgreina hann í smáatriðum, þig vantar samt kannski soldið uppá þegar kemur að mikilvægasta hlutanum og það er hvernig á að vinna á vandanum og yfirstíga hann. Eitt skemmtilegt dæmi um þetta er þegar þú sagðir mér frá því að þú gætir ekki hugsað þér að kaupa notað leirtau því þér þætti það svo ósnyrtilegt og ógeðfelt, þú gerðir þér samt fullkomnlega grein fyrir því hvað þetta væri órökrétt því þú ættir ekki í nokkrum vanræðum með að drekka úr bollum á kaffihúsum sem hundruð manns hefður notað áður. Þú gast semsagt skilgreint þessa litlu snyrtimaníu þína og gerðir þér grein fyrir því að hún var ekki skynsamleg en samt gastu ekki enn hugsað þér að kaupa notað leirtau.
2. Morgunlagið þarna sem ég man ekki alveg hvað heitir eftir Grieg minnir mig alltaf á þig og þegar við vorum ellefu ára dramadrottningar.
3. Ætli það sé ekki bara kjötbollur í brúnni sósu
4. Ég man ekki mikið frá þessum fyrstu árum okkar, allavega ekki mjög skýrt, ég man bara eftir stemmningunni að búa í þessu stóra húsi sem var fullt af börnum, ég man að þú varst soldið sérvitur og nákvæm og miklu ákveðnari en ég, þú hafðir mikla réttlætiskennd og lést ekki svo auðveldlega leiða þig út í einhverja vitleysu.
5. Þú ert nú bara kisa er það ekki.
6. Er ástæðan fyrir því að þú forðast sólbrúnku eins og heitan eld kannki sú að þú ert í raun vampíra?

Settu nafnið þitt í kommentakerfið og

2006-03-01T07:26:00.000-08:00

1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér hvaða bragð minnir mig á þig.
4. Ég segi þér fyrstu ljósu minninguna mín af þér.
5. Ég segi þér hvaða dýr þú minnir mig á.
6. Ég spyr þig að einhverju sem ég hef velt lengi fyrir mér um þig.
7. Ef þú lest þetta verðuru að setja þetta á bloggið þitt.

2006-02-27T15:59:00.000-08:00

Annskotinn Ingunn ég var búin að skrifa geggjað fínt blogg um allt sem við vorum að tala um og það hvarf. Annskotinn Annskotinn Annskotinn Annskotinn

????

2006-02-22T06:57:00.000-08:00

Jæja næsta föstudag verður Anna spyrill í drekktu betur. Ég er byrjuð að æfa á fullu og ÆTLA að vinna. Egóið er reyndar í algerum mínus núna hvað varðar hæfni mína í drekktu betur því við sigurgeir fengum mjög slæma útreið síðast þegar við fórum. Ég þori varla að segja hvað við fengum mörg stig, við skulum bara segja að við fengum ekki nema tæplega helminginn af þeim stigum sem við erum vön að fá. já allar þessar óskars spurningar fóru ekki vel í okkur, við erum svosem ágætlega fróð um kvikmyndir en erum frekar græn þegar kemur að því að vita hvað hin og þessi mynd fékk marga óskara. já þetta var alveg hreint skelfileg keppni fyrir okkur.
En næsta keppni á nú að snúast um sérsvið mitt, eitthvað kvenna-eitthvað, og sálartetrið mun ekki bíða þess bætur ef ég næ ekki allavega helmingi fleiri stig en ég er vön að fá, allavega svona 20 stig. já og þá þýðir ekkert annað en að undirbúa sig aðeins. Olla ég vona að þú gerir slíkt hið sama!

Gó team Þóra

Upphitunarspurning:
Hvaða menntun hafði Ingibjörg H Bjarnarson?

Sigþórgeira

2006-02-07T08:58:00.000-08:00

Jæja... þetta litla "trading places" ævintýri okkar Sigurgeirs lagðist ekki vel í fólk. Ég var ekki búin að átta mig á því að fólk gerir svona skýran greinar mun á okkur sem persónum. Ég hélt að við værum með svo áþekkan smekk að það mundi hreinlega enginn taka eftir því þó við rugluðum reitum okkar saman.
Það er samt ágætt að vita að mín er ekki orðin fullkomnlega intigreruð í eitthvað Borg unit sem er sambland af persónuleka okkar tveggja, "resistance is futile you will now become Sigþórgeira". Eða það sem verra hefði verið að ég væri gjörsamlega kólóniseruð af Sigurgeiri og hans áhugamálum eins og konan talar um í Fever Pitch... Gaaah sem er kannski ekki svo fjarri lagi þar sem ég var að átta mig á að hér rétt að ofan var ég að kvóta í Star trek.
Hann hefur kólóniserað mig bölvaður þrjóturinn og nú er ég farin að nota myndlíkingar úr star trek. Þetta byrjar með litlu saklausu kvóti á blogginu en smátt og smátt verður unglingamyndafetishið mitt að þaggaðri menningu og gleymist í Star Trek-Battilstar Galactica hegemóníunni. Þetta gengur ekki ég verð að stöðva þessa þróun og hefja frelsisbaráttu með öllu heila klabbinu: Ég byrja á að semja sjálfstæðisyfirlýsingu sem upphefur gildi unglingamyndanna og Dirty dancing og Bring it on verða sett á stall sem tímamótaverk. Svo verð ég reka upp herör gegn nördaskapnum, Battelstar Galactica, Enterprise og jafnvel Lost mun ekki voðgangast í mínum húsum lengur og ég mun hefja málhreinsun til að eyða út nördalegum áhrifum í skrifum mínum og tali.
Og þegar nördaskapurinn hefur verið sigraður þá tekur við nýr og betri heimur, heimur rómantísku gamanmyndanna.

2006-02-04T03:05:00.000-08:00

4 sjónvarpsþættir sem ég elska að glápa á:
Star trek allar seríur
Monty python’s flying circus
Buffy
Friends

4 kvikmyndir sem ég get horft á aftur & aftur:
LOTR allur pakkinn
Star Wars allur pakkinn
Pink Floyd live at Pompeii
Toward the within

4 heimasíður sem ég dinglast inn á daglega:
Flak
Gaffalrtukkur
Loftbelgjagerðin
Hi.is

4 uppáhalds máltíðir:
Brauð með tómatsósu steiktum og pepperóní
Hamborgari
sjúkklingur alla mamma
íslenskt lambalæri

4 geisladiskar sem ég get hlustað á aftur & aftur:
Toward the within með Dead can dance
Hljóðlega af stað með Hjálmum
Going blank again með Ride
Selected ambient works II með Apex twin

Gulltryggt

2006-02-03T03:34:00.000-08:00

Ég var að lesa bloggið hennar Hugrúnar og það var svo skemmtilegur útúrsnúningur á staðhæfingunni um “4 kvikmyndir sem ég get horft á aftur & aftur” Eflaust misskyldi hún spurninguna viljandi en í stað þess að setja bara hreint út hvaða kvikmyndir hún getur horft á aftur og aftur þá heldur hún þessu öllu saman opnu og segir bara hvaða fjórar leikkonur og fjórir leikkallar hún elskar og horfir á allar myndir með eða eitthvað í þá veruna. Allavega þá er ég svona líka ég ætti mjög erfitt að negla niður einhverjar ákveðnar myndir sem ég fíla endalaust, það breytist mjög fljótt og fer eftir í hvaða skapi ég er en leikarar er annað mál, fyrir mér eru alltaf ákveðnir leikarar gulltryggðir og ég horfi hreinlega á allar myndir sem ég rekst á með þeim, fyrir Hugrúnu eru þessir leikarar Gulltryggðir: “Allar Reese Witherspoon, Kirsten Dunst, Renée Zellweger og Cate Blanchett myndir ásamt öllum Colin Firth, Alan Rickman, Orlando Bloom og Keanu Reeves myndir” (endalaus hamingja 02.02. 2006)
Ég er nokk sammála kanski fyrir utan Orlando Bloom ég hefði skotið inn John Cusak í staðinn en allavega þá var ég að hugsa að enginn leikari er samt gulltryggður, ekki einu sinni Keanu þó hann sé endalust sætur og því ákvað ég að fara í smá rannsóknar leiðangur og finna allavega eina ömurlega mynd með öllum þessum leikurum he he he og niðurstöðurnar voru eftirfarandi:

Reese Witherspoon – Little Nicky – ok Reese hefur reyndar leikið í furðu fáum ömurlegum myndum Little Nicky er glötuð en ekkert ÖMURLEG, mig grunar reyndar að Desperate Choices: To Save My Child sé frekar ömurleg.
Kirsten Dunst - Get Over It – bara mjög óeftirminnileg mynd sem við tókum held ég saman einmitt af því að Kirsten Dunst er “safe bet” en enginn er fullkomin Fifteen and Pregnant er líka ábyggilega ekki skemmtileg en ég ætla mér ekki að komast að því.
Renée Zellweger – Chicago – trónir á efsta sæti listans sem ömurlegasta kvikmynd sögunnar, slökkti á henni eftir 20 min og hafið það í huga að ég þrælaði mér í gegnum king Artúr þó hún væri líka ömurleg og nærri þriggja tíma löng.
Cate Blanchett - Pushing Tin – þessa tókum við reyndar af því að John Cusak leikur í henni en Oh my god hvað hún er ömurleg, ég fékk testosterone eitrun við inntöku og hverjum dettur í hug að búa til hetjumynd um flugumferðarstjóra, ég hef séð fréttamyndir úr verkfalli flugumferðastjóra og þeir líta allir út eins og feitir stressaðir leigubílstjórar.
Colin Firth og Alan Rickman - Love Actually – þó svo að ég fíli yfirleitt yfirgengilegar rómantískar gamanmyndir þá bara virkaði þessi ekki vel á mig, þessar átta eða níu ástarsögur voru svo samhengislausar að myndin virkaði á mig sem 90 min auglýsingahlé með átta eða níú auglýsingum, ein frá Íslandsbanka, ein frá VÍS, ein frá Always Ultra, ein frá Happdrætti DAS, ein frá Ingvari Helgasyni, ein frá blah blah o. sv. Fr……..
Orlando Bloom - Troy og Kingdom of Heaven – Stundum er ég í stuði fyrir svona stórar epískar myndir um stórar hetjur og með stórum bardögum en þær heppnast bara ekki alltaf nógu vel þessar stóru myndir, þó að það sé ausið í þær peningum og valin maður í hverju horni þá bara vantar stundum eitthvað UMMF í myndina.
Keanu Reeves - The Replacements- ömurleg mynd, íþróttahetjuklisja frá upphafi til enda en það er nú kanski ekki við Keanu að sakast, hann reyndi víst eins og hann gat að komast frá því að leika í þessari mynd en lenti í lagadeilum við framleiðendur og var á endanum píndur til að leika í henni greyjið.

Heimild:
Internet Movie DataBase

samsæri eða tilviljun?

2006-01-04T05:36:00.000-08:00

Það var nú ekki margt sem situr eftir af manntaskólanáminu en einstaka pælingar hafa fests af einhverjum sökum. Einhverntíman vorum við að lesa Laxness í íslensku og ég man ekki hvaða kennari það var eða hvaða Laxness bók við vorum að lesa en umræðan snérist allavega um nöfnin í Laxness bókunum og af hverju þau væru svona skrýtin. Kennarinn kom með þá skýringu að það væri af því að Laxness var oftar en ekki að stínga á einhver kíli og opinbera afturhaldsemi íslendinga, heimsku og svo framvegis en hann vildi forðast það að persónugerfingar afturhaldseminnar, heimskunnar og svo framvegis yrðu bendlaðir við raunverulegt fólk þanning að hann forðaðist nöfn eins og Guðmundur Jónson og Guðrún Gunnarsdóttir.
En jæja Það er líka gaman að skrýtnu nöfnunum hans Laxness og Íslendingar hafa heldur betur gripið þetta nafnaflipp á lofti og klínt því á komandi kynslóðir, því nú heitir enginn Guðmundur Jónson og Guðrún Gunnarsdóttir.
Ef kenning kennara míns er rétt þá finnst mér það bara nokkuð tillitsamt af honum Laxness. Þó skrýtnu nöfnin hafi vissulega ekki stoppað vangaveltur um hver fyrirmynd hinar og þessarar persónu sé þá er það allavega ekki alveg augljóst.
Ég hef verið að lesa Arnald Indriðason undanfarið og hef mjög gaman að flestu því sem ég hef lesið eftir hann. Eins og gerist og gengur fer manni oft að þykja nokkuð vænt um ímyndaðar persónur sem maður kynnist í gegnum lestur eða sjónvarpsgláp, maður grætur með þeim og hlær, en þar sem ég tel mig vera sæmilega heila á geði þá geri ég mér grein fyrir því að þetta er ekki í alvörunni. Ég fékk því vægt sjokk þegar ég áttaði mig á því að ég þekkti "í alvörunni" Erlend Sveinsson úr bókunum hans Arnaldar. Erlendur "Alvöru" Sveinsson er rosa fínn eldri maður sem réð mig til vinnu nú í haust í seltjarnarneskirkju, hann er hættur að vinna núna en var yfirvarðstjóri hjá lögreglunni og starfaði þar í rúm 40 ár. Er þetta tilviljun? Ég veit hreinlega ekki!
Ég ákvað að spyrja konuna hans Erlendar "Alvöru" Sveinssonar hvernig stæði á þessu. Hún sagðist sjálf vera mikill aðdándi Arnaldar Indriðasonar, hún sagði að margir hefðu einmitt verið að velta því fyrir sér hvernig stæði á þessu. Hún taldi að Arnaldur hlyti að hafa heyrt einhverjar sögur eða lýsingar á Erlendi "Alvöru" Sveinssyni af öðrum lögreglumönum því þau þekktu Arnald ekki neitt en henni fannst samt margt í fari Erlendar "sögupersónu" Sveinssonar grunnsamlega kunnuglegt. Henni þótti þetta samt bara skemmtilegt og hver veit kannki er þetta bara hrein tilviljun.

2005-12-19T08:20:00.000-08:00

Kæru vinir það tilkynnist hér með að allar athugasemdir Ollu á þessari bloggsíðu hafa verið dæmd röng og ómerk samkvæmt 5. grein málhaftalaga bloggsambands íslands ég mælist til þess að þið gerið slíkt hið sama á ykkar bloggsíðum.

P.S getur einhver sagt mér af hverju hotmailið mitt er ekki til lengur, ég kemst ekki inná það og þeir sem reyna að senda mér póst fá hann endursendan. What the fuck!

jóla hvað?

2005-12-15T05:21:00.000-08:00

Sigurgeir reif mig upp í dögun til að draga mig á Þjóðminjasafnið. Gummi og Jó komu við og saman röltum við fjögur í gegnum hljómskálgarðinn í birtingu. Perrinn hann Máni elti okkur, Blindfullur og gulur í framan af reykingum. Í Þjóðminjasafninu voru 300 krakkar komir til að hitta alvöru jólasvein. Kristján á móti okkur í gerfi Jóhanns Óla (kallaður Jóli) hann spilaði undir söng nokkur klassík jólalög. Þvörusleikir ruddist síðan inn með látum og börnin skríktu af taugaveiklun. Ég reyndi eftir bestu getu að útskýra fyrir Jó (sem er kaÞólsk/írsk) hvað væri eiginlega að gerast og hver þessi furðulegi karl væri. Það gekk hálf brösulega og það er ekki við mig að sakast því jafnvel færasti þýðandi ætti í erfiðleikum með að snara nafninu á Þvörusleiki yfir á ensku, hvað þá ef maður reynir líka við Giljagaur og Stekkjastur. Að lokun náði hún samt grunnhugmyndinni þó fáránleg sé, mamman étur óþekk börn, pappinn er latur og leiðinlegur, systkynin eru óþekkt stærð en aðalega er talað um 13 bræður með ýmiskonar furðulega kækji og áráttur, þeir koma svo til byggða einn í einu og gefa góðum krökkum nammi í skóinn.

Er börnin uxu upp og burt
ellimóð þá sátu kjurt
veslings Grýla og Leppalúði.
Á lífið hvorugt þeirra trúði.

Uns Grýla mælti mædd og rám:
- Það mætti reyna að hefja nám ...
Og uppi í Hamrahlíðarskóla
háöldruð þau vermdu stóla.

Í Háskólann þau héldu inn
er höfðu klárað öldunginn.
Innrituð þau eru bæði
í uppeldis- og kennslufræði

partýhegðun

2005-12-14T10:16:00.000-08:00

Mér hefur stundum þótt samskiptamáti vina hans Sigurgeirs helst til mínimalískur. Þeim þykir voðalega notalegt að hittast og þegja saman. Mér hefur reyndar stundum þótt það skemmtileg tilbreyting frá fuglabjargargarginu sem myndast í vinahópnum mínum þegar við komum saman og stigmagnast í hlutfalli við bjórdrykkju.
En oftast fer þögnin í vinum Sigurgeirs alveg með mig.
Vinir mínir hafa eflaust tekið eftir því að Sigurgeir finnur yfirleitt litla þörf hjá sér að tala þar sem fjórir eða fleiri eru samankomnir. Margir hafa eflaust ályktað að það sé vegna þess að hann er feiminn, en það er ekki rétt, þetta er bara dýnamík sem fer ósjálfrátt í gang hjá honum og hans vinum, þ.e. að málbeinið lamast í hlutfalli við persónur í herberginu. En þetta er ekki alveg svona einföld formúla, það er ein lítil undantekning á þessari jöfnu og endanleg formúla gæti verið á þessa leið:
Málbeinið hjá Sigurgeiri og vinum hans lamast í hlutfalli við aukinn fjölda persóna í herberginu nema á Grundarfirði, þar snýst formúlan við og málbeinið liðkast eftir því sem persónum í herberginu fjölgar. Á Grundarfirði bætist síðan við trylltur dans og óráðsleg hegðun í hlutfalli við bjórdrykkju.
Ég hef engar félagsfræðilegar skýringar á þessari hegðun og litlar sannanir aðrar en þessar myndir sem eru teknar af Guðmundi Rúnari Guðmundsyni.

2005-12-12T16:01:00.000-08:00

sjö hlutir sem ég ætla að gera áður en ég dey
1) læra að spila á eitthvað hljóðfæri, helst gítar svo ég geti verið geðveikt vinsæl í útilegunum, eftirpartýum og þrítugsafmælum.
2) keypt mér mat í Hagkaup án þess að rýna á verðmiðanna og kaupa mér einn poka þegar ég þarf í rauninni tvo
3) stofna hljómsveit
4) Skoða Graceland
5) semja allavega eitt lag sem verður klassísk gítar útilegu ballaða á Íslandi um ókomin ár
6) sjá um minn eigin sjónvarpsþátt um tónlist á rúv (í anda musikbyråen t.d)
7) hætta að apa allt upp eftir Ollu

7 hlutir sem ég get
1) prjónað
2) hætt að reykja (ég nenni því bara ekki akkúrat núna)
3) klárað fjárans magisterinn (ég nenni samt ekki að læra núna)
4) æxlað ábyrð (en ég ætla ekki að eiga börn alveg strax)
6) borgað skuldirnar mínar (ég á bara ekki pening fyrr en eftir áramót)
7) lifað án bíls (ég nenni samt ekki að hjóla í þessu veðri, tek bara leigubíl)

7 hlutir sem ég get ekki
1) ?
2) ?
3) ?
4) ?
5) ?
6) ?
7) ...ah já ég kann ekki að spila á hljóðfæri

7 hlutir sem heilla mig við hitt kynið1) sætur
2) sætur
3) sætur
4) sætur
5) sætur
6) sætur
7) trommuleikari

7 semi-frægir kallmenn sem heilla mig
1) Benedikt Erlings
2) Sveppi
3) Sammi Jagúar
4) Múgison
5) Sigmar í Kastkjósinu
6) Hulli Dags
7) Þorsteinn frá Hamri

7 orð eða setningar sem ég segi oftast
1) hvadda gera?
2) ha?
3) af hverju?
4) hverjum ertu annars skotin í?
5) hver er það?
6) er það gaurinn sem var í partýinu þarna um daginn?
7) nei þá veit ég ekkert hver þetta er!

7 kitlaðar manneskjur
1) Sigurgeir
2) Reynir
3) Gummi
4) Gutti
5) Batti
6) Nolli
7) Hulli

Gleðileg jól

2005-12-02T06:38:00.000-08:00

Komin í jólaskap ha?

I'm feeling such a dude

2005-10-10T12:04:00.000-07:00

TAKANORI REVOLUTION
Handsome as life
he's our lord
I'm feeling such a dude

Sá sem skirfaði þetta er að færa aðdáun á rokkstjörnum á nýtt level. Massa fyndin síða www.engrish.com takk Egill

Málhaltir Japanskir sjóræningjar

2005-10-07T07:29:00.000-07:00

já ég var svo heppin að finna DVD disk út á götu í gær. Þessa bara fínu mynd líka, Goldmember með Austin Powers. Það var skemmtilegt að rekast á hana liggjandi á götunni, rennblauta og heimilislausa en það sem var jafnvel enn skemmtilegra var að þetta reyndist vera mjög vönduð japönsk sjóræningja útgáfa. Aftan á hulstrinu er síðan eins og venja er stutt kynning á söguþræðinum. Þar er hinsvegar nokkuð óvenjuleg túlkun á innihaldi myndarinnar:
Devil doctor is with the smaler than oneself No. 1 of copy-mini my break out of jail, the super and bad egg that unite tha nickname the together kidnapped suer spy aosting bose af daddy niger aosting is only It is good to anain sit time the machine to reurn to 1975 in the last years solution bad eggs, extrication Own father. Certainly, aosting is nerarby necessary and romantic and beautiful woman, this a beautiful woman and beautiful woman, this a the beautiful woman's assistant gathering is a foxkelopatera...
Það er ekki heil brú í þessu og augljóst að manneskjan sem skrifaði þetta kann ekki stakt orð í ensku. Olla kom með þá kenningu að þetta hlyti að hafa verið snarað yfir af japönsku af einhverju þýðingar forriti. Ef svo er þá ætti þessi texti að gefa okkur smá innsýn í japanska setningabyggingu er það ekki?
bara pæling

góðborgari á ný

2005-10-04T13:02:00.000-07:00

jebb ég er hætt að vera atvinnulaus aumingi og er enn á ný að gera skyldu mína við samfélagið og samborgararna með því að greiða skatt og hætta að bora uppí nefið. Það sem meira er...
ég er orðin reglulegur góðborgari. Ég hef nefnilega ráðið mig sem aðstoðar kirjuvörð í kirkju vestur í bæ. Nú þarf ég að mæta í messu annanhvern sunnudag, kveikja á kertum fyrir messuna, hjálpa prestunum í hempuna, hella messuvíni í kalekinn og flagga. Æi ég gleymdi reyndar að spurja að því hvort að ég mætti hringja kirkjubjöllunum.

kvennafrídagurinn

2005-09-30T04:45:00.000-07:00

Jæja nú á að endurvekja kvennafrídaginn. Ég fékk strax sting fyrir hjartað þegar ég las póstinn frá Hugrúnu með auglýsingu um þetta. Ég veit svosem að ég verð mætt í kröfugönguna þarna kl 3 en það skipir ekki neinu máli því ég er alvinnulaus aumingi þessa dagana og enginn mun sakna vinnuframlags míns.
En mér varð samt hugsað til vinnunar minnar í fyrra á frístundaheimilinu, þar sem að maður var gersamlega ómissandi, límið sem hélt starfinu saman, með 120 börn, 200 foreldra og 17 starfsmenn á mínum snærum það hefði verið meira en að segja það ef kvennafrídagurinn hefði verið endurvakinn í fyrra. Ég veit hreinlega ekki hvort að ég hefði treyst mér til þess að stinga af frá öllu þessu kl 14:08.
Í auglýsingunni er einmitt sagt að kl 14:08 séu konur búnar að vinna fyrir launum sínum, ef litið er til munar á atvinnutekjum karla og kvenna sem eru 64,15% af launum karla. Með alla þessa ábyrð sem ég hafði í starfi mínu í fyrra, ég var satt að segja að reka heilt fyritæki, þá var ég sko ekki á neinum forstjóralaunum, ó nei. Ég var með sömu laun og Sigurgeir ástmaður minn var með í sumarvinnunni sinni þar sem hann var lagermaður hjá litlu einkafyrirtæki, þar bar hann ekki ábyrgð á neinum nema sjálfum sér og það voru ekki gerða kröfur til þess að starfsmaðurinn væri með háskólamenntun eins og var í mínu starfi. Hugsa sér, mig langar næstum að genja af gremju. Samkvæmt þessu þá var ég sko búin að vinna fyrir laununum mínum kl 14:08 en það er akkúrat tíminn sem starfsemi Laugarsels er að komast á fullt skrið og börnin fara að streyma úr skólanum.
Ég veit hreinlega ekki hvort að ég hefði treyst mér til að leggja niður störf undirmönnuð eins og við vorum oft, hvað þá ef allar konurnar í Laugarseli hefðu lagt niður störf, það hefði þurft að loka frístundaheimilinu, mig hreinlega hryllir við tilhugsuninni að þurfa að útskýra það fyrir úttauguðum foreldrum. Konurnar sem eiga hvað erfiðast með að leggja niður störf í þennan stutta tíma eru náttúrulega konurnar sem vinna á stórum kvennavinnustöðum: á leikskólum, frístundaheimilum, elliheimilum og spítölum. Ég efast um að margar konur í þessum geira hafi samviskuna í það að leggja niður störf þennan dag þó svo að þetta séu einmitt konurnar sem þurftu mest af öllu að sýna það hvað þeirra starf er mikilvægt fyrir samfélagið.

myndir

2005-09-23T07:35:00.000-07:00

Það gætu kannski einhverjir vinir mínir eða bara hinn almenni netnjósnari haft gaman af myndunum sem ég var að bæta í safnið. Þið klikkið bara á reitin hér til hliðar merktur myndir og þar er að finna nokkur gömul myndasöfn ásamt mynsasafni frá menningarnótt með myndum sem mér áskotnaðist hjá Reyni vini hans Sigurgeirs, þannig að þetta eru aðalega myndir af Rauðum fiskum (sorry Olla). Svo ætla ég að reyna að bæta við einu myndasafni núna á eftir með myndum úr frakklandsferð Rauðra fiska.

Ný sóló plata með sérvitringnum úr Poisson Rouge

2005-09-22T04:49:00.000-07:00

Hinn geðþekki sérvitringur og íslandsvinur Ziggy "goldfish" Finson er um þessar mundir að gefa út sína fyrstu Sólóplötu. Hann hefur fengið til liðs við sig unga upprennandi söngkonu sem kallar sig Bonnie. Ziggy er best þekktur sem trommuleikari hinnar sérkennilegu sveitar Poisson Rouge eða Rauðir fiskar snarað upp á það ástkæra ylhýra. Plötunni hefur verið vel tekið af gagnrýnendum og sumir hafa gengið svo langt að kalla titil lag plötunnar "beautiful cows" besta lag 21. aldarinnar.

bonny is back II reality

2005-08-17T11:01:00.000-07:00

úps there goes gravity
Já það getur reynst erfitt að fóta sig á ný í hversdagslegum raunveruleikanum eftir að hafa lifað í sólríkum sæluheimi, þar sem lífið snýst um að ná sem mestri ánæju út úr hverju augnabliki sama hver kostnaðurinn er. Sem betur fer þarf ekki mikið til að gleðja litla hjartað mitt og því komst maður tiltölulega stórskuldalaust út úr þessari útlandaferð, nokkrir bjórar á sætum bar síðla kvölds, pastís í morgunsólinni, gúlúas, camenbert, vanilubúðingur í dollu, peysa í H&M ooogsvoframvegis. Sjórokkshátíðin var snilld, mongólskur barkasöngvari, pólskt doowap diddý band sem hét banana boat og magnaðir tónleikar með G0ran Bekóvich þar sem hann tók öll, já, öll lögin af Underground. Æ já svo var alveg ágætt lítið íslenskt band að spila, Rauðar fjaðrir eða rauðir hundar eða eitthvað svoleiðis. Þeir voru svosem ekkert slæmir, voru eins og "HLJÓMAR hafsins í Paimpol", en höfða kannski meira til gamla fólksins, fyrir svona lið eins og Tómas Inga Olrich.

Bunny is back

2005-06-24T06:39:00.000-07:00

Tíska hefur í mínum huga verið frekar ómerkilegt fyrirbæri og ég hef (með litlum árangri) reynt að forðast tískufyrirbrigði. Nú síðast hét ég því að klæðast ekki sígunapilsi og sandölum í sumar þó mér finnist það í raun rosa flottur klæðnaður. Um mig leika hlýjar minningar um hina undirfögru Tinnu sem passaði mig sumarið 1982, hún var með mikið og sítt hrafntinnusvart hár, svartmáluð undir augunum og gekk berfætt í bandasandölum (nákvæmlega eins og þeim sem fást í öllum skóbúðum í dag) svo voru pilsin hennar stór og víð, litrík og stundum með gull eða silfurþráðum. Ég vona að ég get staðið við þetta loforð mitt til sjálfs míns því það kraumar í mér löngun til að fara að róta í skápnum hennar mömmu og finna gamla brúna sígunapilsið hennar.

Ég er í nokkuð skemmtilegu grúski þessa dagana uppá þjóðó í tengslum við þessa ritgerð sem ég ætti að vera löngu búin með. Ég er nefnilega stöðugt búin að rekast á pælingar um tískuna þegar ég er að lesa mér til um daglegt líf íslenskra kvenna sem fæddust uppúr aldamótunum síðustu. Þegar ég tók viðtal við langömmu síðasta sumar þá kom það í ljós að tískan skipti hana líka miklu máli. Það var æðislegt að heyra lýsingar hennar á því þegar hún klippti af sér flétturnar og fékk sér drengjakoll sem var einmitt móðins um það leiti sem amma var unglingstúlka. Amma sagði að bróðir hennar hafi flippað út þegar hann sá hana, yfir sig hneykslaður. Amma var Reykjavíkur dama, alin upp á Bergþórugötunni en tvítug flutti hún til eyja til að hefja búskap með afa. Vestmannaeyjingar vissu ekki alveg hvað þeir áttu að halda um þessa stuttklipptu nútímakonu og amma fékk nokkur skot frá kellingunum í Betel söfnuðnum. Í viðtalinu kvartaði amma líka undan því að það var bókstaflega ekkert í Eyjum þegar hún flutti þangað 1928, ekki einu sinni hárgreiðslustofa. Ég las það svo í gær að fyrsta hárgreiðslustofan hafi samt ekki verið stofnuð í Reykjavík fyrr en 1913 og nafnið er eins og klippt út úr Tinnabókunaum eða í þá áttina “Hárgreiðslustofa Krístólínu Kragh.”

Svo var ég að lesa frábæra grein sem Halldór Laxnes skrifaði í Mogganum í ágúst 1925 og hét “Drengjakollurinn og íslenska konan.” Dóri Lax klikkar ekki í gagnrýni á afturhaldsöflunum. Í þessari grein tekur hann upp hanskan fyrir ungar konur og þessari nýju tísku (bubikopf eða cheveu á la garconne) sem hann telur sálarlífseinkenni heimskonunar árið 1925. Dóri segir að þessi nýbreytni í hárfari kvenn hafi vakið upp hrókaræður sem fylli dálk eftir dálk í tímaritum heimsins. Hárið hafi hingað til verið aðalsmerki kvennleikans og eflaust er það þess vegna sem afturhaldsseggirnir titra á beinunum yfir þessari tískubylgju. Hann afbyggir samt þessa hugmyndafræði og spyr: “hvaða hald var fornkonunni í hársíddinni? Hárvöxtur er enginn sjereginleiki kvenna. Hver karlmaður, sem vill, getur látið sér vaxa fagurkembt hár niður á hrygg.”
Menn skiptast síðan í tvær fylkingar eins og alltaf, í afturhaldsflokkin segir Dóri að séu aðlalega “búforkar, matseljur, heiðarlegar kerlingar sem voru aldar upp til barneigna fyrir fjörtíu árum, uppgjafa ráðherrar, gamlir þingmenn og prófessorar sem voru í broddi lífsins árið 1880, þá ómerkilegir pokaprestar af lýðskrumarartaginn...og síðast en ekki síst dygðakróníkuhöfundar er vaða í þeirri sælu villu, að hæst sé að ala upp æskulýðinn með sálardrepandi kjaftavaðli um siðgæði og kristilega hegðun.”
Í hinn flokkin skipast ungir byltingarsinnar sem bera, að sögn Dóra, ekki mikla virðingu fyrir umvöndunarsemi eldra fólksins. Unga kynslóðin: “sakar fortíðina um að hafa lítilsvirt eðli konunar og niðurlægt og meðhöndlað hana eins og sálarleysingja. Fortíðin ól konuna upp sem kynferðisveru einvörðungu –þannig, að hún yrði sem útgengilegust barneignavjel; þegar maðurinn stofnaði heimili sitt, þá var konan húsgagn húsgagnanna.”
Gó Dóri, þetta þætti vart prenthæft í Mogganum í dag 80 árum seinna.
Tvem dögum eftir að grein Halldórs birtist svarar kona nokkur honum með grein sem titluð er Halldór og hárið og kallar hann lítt þroskaðan sveinstaula og setur svolítið ofan í hann sem mér finnst bara ágætt þó ég sé að mestu sammála Dóra.

Ef tískan er sálarlífseinkenni hvers tíma, eins og Halldór Laxnes segir, hvað segir það um okkar tíma árið 2005?
Fyrir 80 árum voru konur fyrst að klippa af sér flétturnar og fá sér drengjakoll, kjólarnir voru beinir niður og styttri en áður en ekki herptir saman um mittið með ógurleg pils til að ýkja kvennlegan vöxt. Þetta segir margt um þá hugarfarsbyltingu sem var að eiga sér stað.
1985, þegar ég var í blóma barnæskunnar voru herðapúðar og víð bein snið allsráðandi, mamma var í essinu sínu, enda bæði herðabreið og vövðastælt. Hvað segir þetta um anda þess tíma, var ´85 tískan að vísa til þess tíma er amma var ung?
Síðan ég man eftir mér hefur tískan bara verið sífelld endurtekning, eilíf skopstæling á einhverju sem var áður, hefur eitthvað nýtt komið fram, eitthvað spennadi og róttækt eins og drengjakollurinn?

Halelúja

2004-11-16T14:18:00.000-08:00

Það snjóar á íslandi, undursamlegum jólasnjó.
Á fimmtudaginn fór ég í Ikea til að kaupa skemil og franskan rennilás fyrir Laugarsel og þegar ég gekk framhjá jólaskrautinu stóðst ég ekki mátið að kaupa nokkrar jólaseríur og kerti því hver veit hvort ég komist aftur í Ikea fyrir jól. Þegar ég gekk út kingdi niður stórum snjóflögum. Það helltist yfir mig jólaskapið og eftir það var ekki aftur snúið. Föstudagsmorgun vaknaði ég syngjandi gamla Ellý Vill lagið “Það heyrast jólabjöllur og hmananannah, flokkur af jóla hmm hmm til að gantast við krakkana hma” Úti var allt hvítt og ég ákvað að ganga í vinnuna í þessu dýðlega vetrarríki, á leiðiini hitti ég Hulla og var samferða smá, seinna um daginn fórum við Hulli saman með 38 gríslinga á skauta í skautahöllinni, trallalalala.
Í dag er allt enn á kafi í snjó, skólastarfið er líka enn allt í klessu því kennarar mæta ekki og ástandið í Laugarseli er jafnvel skritnari en í verkfallinu, ástandið minnti mig á þegar það kom “snowday” þegar ég var í ameríkunni og við vorum öll send snemma heim í skólabílnim til að okkur snjóaði ekki inni. Þetta er ein af mínum kærustu minningum , ég man enn eftir laginu sem hljómaði úr útvarpstæki bílstjórans þegar ég gekk inní skólabílinn “laughing like children, living like lovers, rolling like thunder, under the covers...” Ég og Hugleikur gengum síðan saman heim eftir vinnu í snjóbyl og létum okkur dreyma um að drekka kakó með með með koníaki fyrir framan arineld. Ásthildur hringdi og ég lét mér nægja kaldan bjór á efrihæð Kabbó.

Þema Honnybonny bloggsins er núna topp fimm lög tengd góðum minnungum

Lag # 1 er:
“I guess thats why thy call it the blues” með Elton John.

Persónuleikapróf 2

2004-10-27T13:44:00.000-07:00

Allir geta verið sammála um það að Ingunn er æðisleg og þó svo að við séum mis hreinskilin með aðdáun okkar á henni þá veit ég að innst inni langar öllum til að vera hún. Auðvitað getum við ekki orðið Ingunn, mörg höfum við reynt að apa eftir fatastílnum hennar, hárgreiðslunni og jafnvel talandanum en við getum í besta falli verið léleg eftirherma. En ekki örvænta það er ekki útilokað að það leynist lítil Ingunn inní þér, reyndu bara á það og taktu prófið.

#1 Getur þú vippað fram pizzu á 30 minútum hvenær sem er án þess að þurfa að fara út í búð?
a) já
b) nei

#2 Hefur þú alltaf rétt fyrir þér ?
a) já
b) nei

#3 Getur þú haldið uppi fullu félagslífi í þrjár vikur án þess að fara úr sófanum þínum?
a) já
b) nei

#4 Átt þú alltaf til góðar ráðleggingar við öllum vandamálum?
a) já
b) nei

#5 Getur þú réttlætt fyrir sjálfri þér allar þínar misgjörðir, svindl og svínarí með því að líta svo á að heimurinn skuldi þér?
a) já
b) nei

#6 Getur þú transformað þér úr gutter-hóru með maskara niðrá kinnar í geislandi gettó-prinsessu á 7 minútum?
a) já
b) nei

Niðurstöður:

1-2 já : Þú ert ekki mikil Ingunn í þér og eflaust ert þú ekki mjög hamingjusöm mannskja, en leitaðu ráða hjá henni Ingunni og hún mun örugglega beina þér á réttu brautina.

3-4 já : Það leynist greinilega svolítil Ingunn í þér en hugsanlega hefur heimurinn kennt þér að bæla hana inní þér, eina ráðið er að umgangast Ingunni nógu mikið og leyfa þinni innri Ingunni að blómstra óhindrað.

5-6 já : Þú hefur greinilega tileinkað þér lífsspeki Ingunnar af heilum hug og munt lifa hamingjusöm svo lengi sem þú hefur survival kitt Ingunnar í farteskinu, það er ljóst að þú gætir jafnvel lifað kjarnorkuvetur og samt haft það kósy.

"Helgin vaaar ömurleg"

2004-10-25T02:59:00.000-07:00

Nú ætla ég að byrja með svona thema skiptar vikur á blogginu, soldið ÍTR-legt en líka mjög sniðugt til að skapa mér sérstöðu í bloggheimum og líka held ég að þetta muni virka hvetjandi á mig til að blogga oftar.
Þema þessarar viku er PERSÓNULEIKAPRÓF

persónuleikapróf 1.
(niðurstöður eru neðst á síðunni)

1) Prófið að singja þetta:
"Helgin vaaar ömurleg"
2)Fattið hvaða lag þetta er?
3)Ok þá er spurningin hvort sunguð þið þetta með :
a)Nylon
b)Unun
c)Sjálfum þér

Já, en helgin mín var ekki ömurleg, þessvegna skil ég ekki afhverju ég vaknaði með þetta lag á heilanum. Þessi helgi var fullkomnlega balanseruð, það náðist akkúrat rétthlutfall af pródúktívitíi til að vega upp á móti skemmtunum og leti. Ég er bara nokkuð sátt. Djammaði aðeins á föstudag, eyðilagði samt ekki laugardaginn í þynku, át bara geggjað mikið og horfði á japösku frummyndina "shall we dans" eða "let's dans", var ein með sjálfir mér á laugardagskvöld sem væri kannski pathetic hjá öllum öðrum en ekki mér því ég hef ekki átt kvalatý tíma með mér sjálfri einni svo mánuðum skiptir (sambýlingurinn hefur fest rótum við sófan síðan hún slasaðist á fæti og með því að blóðmjólka alla vorkunsemi hefur henni tekist að búa til hirð í kringum sig sem situr við fætur hennar og sér um að skemmta henni öllum stundum) Svo var farið í IKEA á sunnudag með Ingunni og Hurgúnu sem var pjúra skemmtun en samt próduktíft og litla holan okkar er svo sæt núna, alveg að verða tilbúin undir komu jólanna.
Jæja ég verð að fara að vinna.

Niðurstöður:
a) Þú ert áhrifagjörn/gjarn en ert hress og lifir í núinu.
b) Þú ert kúl en samt soldið óörugg/ur og uppskrúfaður.
c) Þú ekki í góðum tengslum við þitt innra sjálf og lýgur að sjálfum þér til að hylma yfir djúprætt óöryggi.

Hvert' að fara, hvaðan ert' að koma?

2004-10-22T09:28:00.000-07:00

Það er búið að krota svo sætt á húsið mitt, það er svona soldið krúttileg fígúra með talblöðru sem segjir: "Hvert' að fara, hvaðan ert' að koma?"
Fyrstu við brögð mín þegar ég sá krotið voru reyndar frekar neikvæð, það er búið að innprenta svo í mann að veggjakrot er skemmdarverk drígt af illa uppöldum únglíngúm. Svo er líka eignaréttar tilfinningin svo rík í okkur íslendingum og fyrstu viðbrogð mín voru að einhver (illa-uppalin-únglíngúr) hefði ráðist á mitt yfirráðsvæði og vandalíserað mína einkaeign.
Þegar ég var svo rétt komin innum dyrnar heima þá spurði Ingunn sambýliskona (í non-sexual metkingu þess orðs) hvað mér findist um skreytinguna á veggnum, en hún sjálf var greinilega hæst ánægð með skemmdarverkið. Eftir svona tuttugu sekúntna umhugsun áttaði ég mig á því að mér þótti þetta bara soldið krúttilegt krot og það væri auðvitað fáranlegt af mér að bregðast svona illa við. En ég áttaði mig á því í fyrsta skipti hvað Marxistar eiga mikið verk fyrir höndum við að uppræta einkaeignina, ég á ekki einu sinni þetta hús, ég er bara að leigja, samt rauk upp þessi tilfinning "ég á etta, ekki snerta."
Núna er mér farið að þykja verulega vænt um þetta krot sem er á veggnum mínum, þegar ég labbaði framhjá þessu í morgun þá hitti þessi setning beint í mark: "Hvert' að fara, hvaðan ert' að koma?" Hún snart líf mitt, en ekki á einhvern djúpvitran, heimspekilegan, dramantískan, rómantískan hátt, heldur var þetta bara svo rétt sönn lýsing á atburðum síðusta daga. Vinkonurnar eru búnar að vera þeysast inn og út úr lífi mínu þessa viku, Olla vinkona fór á þriðjudag aftur til Köben (snökt) og Ásthildur bara kominn eins og þruma úr heiðskýru lofti frá ársdvöl í Suður-Ameríku (jibbí).
...segjum þetta...

Jedúdda hvað það er gott að eiga kærasta!!

2004-10-18T09:21:00.000-07:00

Kæróið bauð mér í sumó um helgina. Þetta átti bara að vera svona skemmtileg djamm sveitaferð í með kæró og vinum hans, en það vildi svo til að þessa helgi voru allir vinir hans á Grundarfirði.
Þessi djamm Sumarbústaðaferð með góðravinahópi breyttist því í alsherjar kærófest 2004 þar sem við kúrðum tvö eins og ástsjúkar turtildúfur í heitapottinum með rauðvín og osta og svo var ferðin kórónuð með að kæróið var kynntur fyrir tengdó. Það kom nefnilega í ljós að pabbi og mamma voru í bústað rétt hjá og báðu okkur að kippa með einum litlum gutta úr bænum og skila honum til þeirra...
Núna dansa ég um á bleiku skýi og rífst við kæróið í huganum hvað frumburðurinn eigi að heita.

Ég er hætt að láta sem ekkert sé, nú ætla ég að fara tala

2004-10-12T04:52:00.000-07:00

Já nú er kaninka mætt á svæðið!
Úff þetta er svo stórt skref sem ég er að stíga að ég fæ fiðring í puttana og er allt í einu orðinn soldið feiminn, þetta er kannski lítið skref fyrir mannkynið en það er stórt skref fyrir litla tæknifóbíska kaninku að ætla að standa undir sinni eigin bloggsíðu. Hvað ef allir fara að gera grín af blesslísku stafsetningarvillunum, og hvað ef fólki finnst ég leiðinlegur bloggari og enginn kommentar neitt, það er ekki eins og ómerkileg kaninka eins og ég lifi einhveju ævintýralífi, ekki eins og hann Þórarinn Dúkkuleikur vinur okkar, sem fer til NY og hittir Brack Tain sem gerði "Bras and the Rackshantain" eða látúnsbarkinn Olifia Earl-Swan sem fær greitt stórfé fyrir að gera ekki neitt og þykist svo ekki eiga neina peninga því hún er svo mikill niðrávið snobbari.
Ég get samt huggað mig við það að bloggið mitt verður alveg örugglega áhugaverðara en nördakvabbið sem birtist á Sparkó eftir að Gajón sölsaði það undir sig. Má ég benda á kvóta úr síðustu færslu máli mínu til stuðnings:
"Einnig er ekkert voðalega langt þangað til þessi leikur deyr, þar sem það styttist í BF2 (fyrir ykkur sem vitið ekkert þá spila ég BF1942 sem lenti í 6 sæti yfir bestu leiki síðustu 5 ára hjá gamespy) og því ágætt að prófa hitt og þetta með hann svona í dauðateigunum."

ÓÓÓ jeh
ég er strax komin yfir óöryggið,
þetta er bara gaman,
ég mun rísa upp og rústa ykkur öllum
BEWARE OF THE BONNY !!!